Samarqand viloyati Oqdaryo tumanidagi markaziy poliklinikada yong‘in yuz bergan. Viloyat Favqulodda vaziyatlar boshqarmasi axborot xizmatining xabar berishicha, hodisa 2024 yil 27 yanvar kuni ertalab sodir bo‘lgan.
Oqdaryo tumani FVBga soat 09:20 da “Loyish” MFYda joylashgan markaziy poliklinikada yong‘in sodir bo‘layotgani to‘g‘risida xabar kelib tushgan.
Shunga ko‘ra 2 ta yong‘in-qutqaruv ekipaji soat 09:24 da voqea joyiga yetib borib, soat 09:30 da yong‘in bartaraf etilgan.
Yong‘inda hech kim tan jarohati olmagan. Faqat shifokor Sh.X.ning xizmat xonasidagi xona jihozlari yonib, zararlangan.
Qayd etilishicha, hozirda hodisa yuzasidan tergovga qadar tekshiruv ishlari olib borilmoqda.
