Jizzaxda go‘dak farzandini qiynagan, hayoti va sog‘lig‘ini xavfga soluvchi harakatlar qilgan erkakka nisbatan jinoyat ishi ochildi. Bu haqda bolalar ombudsmani Surayyo Rahmonova xabar berdi. 

Aniqlanishicha, «insoniylikka mutlaqo zid jinoiy harakatlar» Jizzax shahrida yashovchi ota tomonidan farzandiga nisbatan muttasil ravishda sodir etilgan. Bu harakatlar tasivrlangan video ijtimoiy tarmoqlarda tarqalgan. 

Ta’kidlanishicha, bolaning onasi ichki ishlar organlariga murojaat qilgach, 20 dekabr kuni Jinoyat Kodeksining 110-moddasi (Qiynash), 112-moddasi (O‘ldirish yoki zo‘rlik ishlatish bilan qo‘rqitish) va boshqa moddalari bilan jinoyat ishi ochilgan. 

Hozir tergov harakatlari olib borilayotgani ta’kilanmoqda.