O‘zbekiston va BAA vakillari davlat xizmatlarini ko‘rsatish sohasini takomillashtirishni muhokama qildi

O‘zbekiston 17:03 / 09.12.2023 5212

9 dekabr kuni Abu-Dabi shahrida O‘zbekiston Respublikasi adliya vaziri o‘rinbosari Xudoyor Meliyev boshchiligidagi vazirlik delegatsiyasi Birlashgan Arab Amirliklarining Ichki ishlar vazirligining davlat xizmatlarini ko‘rsatishga mas’ul Baxt – saodat departamenti direktori Nasir Xadim bilan uchrashuv o‘tkazdi.

Uchrashuvda mamlakatimizda xaqchil davlat xizmatlarini ko‘rsatishning huquqiy asoslarini takomillashtirish borasida amalga oshirilayotgan izchil amaliy choralar BAAdagi hamkasblar bilan o‘rtoqlashildi.

Shuningdek, uchrashuv doirasida BAA Ichki ishlar vazirligining davlat xizmatlarini tashkil etish va ko‘rsatish faoliyatidagi so‘nggi yangiliklar bilan yaqindan tanishilib, interaktiv suhbatlar hamda taqdimotlar orqali o‘zaro tajriba almashildi.

Xususan, davlat xizmatlarini olishda aholining qoniqish darajasini va soha mutaxasislarining malakasini oshirish, situatsion markazlarning davlat xizmatlarini takomillashtirishdagi o‘rni, proaktiv xizmatlar hamda onlayn davlat xizmatlarining qamrovini oshirish mexanizmlari ko‘rsatib berildi.

Ma’lumot o‘rnida, BAA tomonidan aholiga ko‘rsatiladigan davlat xizmatlari soni 133 tani tashkil etadi.

Shu bilan birga, tomonlar davlat xizmatlarini ko‘rsatishni soddalashtirish, ommabop xizmatlardan mobil ilova orqali foydalanish imkoniyatlarini kengaytirish borasida tajriba almashishga kelishib olindi.

Uchrashuv do‘stona va konstruktiv ruhda o‘tdi.

Ko‘proq yangiliklar: