Россияда Кемерово вилояти собиқ губернатори Омон Тулеев вафот этди

Жаҳон 13:47 / 20.11.2023 6835

Кемерово вилоятининг собиқ губернатори Омон Тулеев 79 ёшида вафот этди. Бу ҳақда 20 ноябр, душанба куни вилоятнинг амалдаги раҳбари Сергей Цивилев маълум қилди.

Тулеев Кемерово вилоятини 1997 йилдан 2018 йилгача бошқарган. У 64 киши, жумладан, 40 дан ортиқ боланинг ҳаётига зомин бўлган «Зимняя вишня» савдо-кўнгилочар марказидаги ёнғиндан кейин истеъфога чиқди. Ўшанда вилоят маъмурияти раҳбари ёнғин содир бўлган жойга келмаган, шунингдек, норозилик билдириб, қурбонлар сони ҳақида маълумот беришни талаб қилган Кемерово аҳолиси олдига ҳам чиқмаган. Фожиа ва истеъфодан кўп ўтмай, Тулеев вилоят парламенти спикери лавозимини эгаллади. 

1990-йилларда у Федерация кенгашида Кузбассдан вакил бўлган ҳамда Кемерово вилояти қонун чиқарувчи мажлисини бошқарган, шунингдек, Россиянинг МДҲ давлатлари билан ҳамкорлик бўйича вазири бўлган. 

Кўпроқ янгиликлар