O‘zbekiston Afg‘oniston va Pokiston bilan o‘zaro tovar ayirboshlash hajmini oshirish bo‘yicha ishchi guruh tuzadi, deb yozadi Anadolu.

Uning tashkil etilishi Islomobodda bo‘lib o‘tgan uch tomonlama muzokaralar bayonnomasida ko‘rsatilgan. Ularda bosh vazir o‘rinbosari Jamshid Xo‘jayev, Pokiston savdo va sanoat vaziri Gohar Ijaz va uning Afg‘oniston muvaqqat hukumatidagi hamkasbi Hoji Nuriddin Aziziy ishtirok etdi. 

OAV xabarlariga ko‘ra, protokol boshqa narsalar qatorida bojxonada elektron hujjat aylanishini joriy etishni ham nazarda tutadi. Bundan tashqari, mamlakatlar savdo uchun viza tartibini soddalashtirishga kelishib oldi. 

Shuningdek, qo‘shma sarmoyaviy loyihalar ustida ishlash, bank tizimini rivojlantirish rejalashtirilgan. Yana bir istiqbolli yo‘nalish - oziq-ovqat xavfsizligi bo‘yicha tashabbuslar. 

Ijaz ushbu protokolni Toshkent, Kobul va Islomobod o‘rtasidagi iqtisodiy aloqalar va hamkorlikni kengaytirish yo‘lidagi «muhim qadam» deb atadi. U savdo va tranzit tashuvlari yo‘nalishida «yaxshi vaqt kelishini» kutayotganini bildirdi.

Afg‘oniston Sanoat va savdo vazirligi ishchi guruh kelasi hafta yig‘ilishini ma’lum qildi. Uning asosiy vazifasi uch davlat o‘rtasidagi savdo hajmini oshirish va bunga to‘sqinlik qilayotgan to‘siqlarni bartaraf etishdan iborat.