Фарғонада фуқаро 1,1 млрд сўмлик газдан ноқонуний фойдалангани аниқланди

Жамият 10:34 / 12.11.2023 18157

Фарғона вилояти Ўзбекистон туманида табиий газдан ноқонуний фойдаланиш ҳолати аниқланди. Бу ҳақда Иқтисодий жиноятларга қарши курашиш департаменти ахборот хизмати хабар берди.

Хабарга кўра, ҳолат Бош прокуратура ҳузуридаги департаментнинг Фарғона вилоят бошқармаси томонидан “Ўзэнергоинспекция” вилоят бошқармаси, “Ҳудудгаз Фарғона” ГТФ ходимлари билан ҳамкорликда ўтказилган тезкор тадбирда аниқланган. 

Ўзбекистон туманида яшовчи Р.Ю. “Қ.” МФЙда ҳудудидаги фуқаро М.А.нинг уйининг ёрдамчи хўжалигида оҳак ишлаб чиқарувчи яширин цех ташкил этиб, тижорат мақсадида умумий фойдаланишдаги газ тармоғига ўғрилик йўли билан уланиб, жами 1,1 миллиард сўмлик табиий газдан ноқонуний фойдалангани аниқланган.

Мазкур ҳолат юзасидан Жиноят кодексининг 169-моддаси (ўғрилик) билан жиноят иши қўзғатилиб, тергов ҳаракатлари ўтказилмоқда.

Кўпроқ янгиликлар