Joriy yilning 4 oktyabr kuni Toshkent metrosida harakat tarkibi nosozlik natijasida belgilangan vaqtda harakatlana olmadi.

«Toshkent metropoliteni» xabariga ko‘ra, soat taxminan 07:55 lar atrofida Chilonzor yo‘nalishining «Chinor» (5-bekat) bekatidan harakatlanishi lozim bo‘lgan 14-sonli harakat tarkibining tormoz tizimida texnik nosozlik holati kuzatilgan.

Qayd etilishicha, buning natijasida ushbu harakat tarkibi belgilangan vaqtda harakatlana olmagan.

Yo‘lovchilarga noqulaylik hosil qilmaslik va yo‘nalishda belgilangan harakat jadvali buzilmasligining oldini olish maqsadida, ortidagi yo‘lovchilarsiz bo‘lgan poyezd orqali tirkamaga olinib, harakat tarkibi tekshiruv yo‘lagiga olib borilgan.