O‘zbekiston milliy jamoasi a’zosi Jaloliddin Masharipov faoliyatini Yevropada davom ettiradi.
Gretsiyaning «Panserraikos» klubi O‘zbekiston milliy jamoasining 30 yoshli hujumkor yarimhimoyachisi bilan bir yillik shartnoma imzolanganini rasman e’lon qildi.
Masharipov «An-Nasr» klubini tark etgach, Gretsiya jamoasi safiga erkin agent sifatida qo‘shilgan.
Ma’lumot uchun, «Panserraikos» klubi Serre shahri sharafini himoya qiluvchi klub sanaladi. Ushbu jamoa Gretsiya Superligasida 5-turdan keyin 6 ochko bilan 8-o‘rinda bormoqda. «Panserraikos» so‘nggi 3 o‘yinida durang qayd etgan.
Eslatib o‘tamiz, Masharipov so‘nggi bir oy davomida «Paxtakor» safida mashg‘ulot o‘tkazayotgandi.