Konferensiya Toshkentda 30 sentabr va 1 oktyabr kunlari Uzum Market milliy marketpleysi qo‘llab-quvvatlashida bo‘lib o‘tadi. Tadbirda Respublika Raqamli texnologiyalar vazirligi va Uzum Market milliy marketpleysi vakillari, Jahon banki, xorijiy e-commerce platformalari vakillari va o‘z biznesini marketpleysda muvaffaqiyatli rivojlantirayotgan tadbirkorlar ishtirok etadi.
— Onlayn savdoni rivojlantirish butun mamlakat iqtisodiy o‘sishi uchun muhim omillardan biri, — deydi O‘zbekiston Respublikasi Raqamli texnologiyalar vazirining birinchi o‘rinbosari Oleg Pekos. — Uzum Market kabi milliy maydonchalar nafaqat minglab ish o‘rinlarini yaratibgina qolmay, balki o‘zbekistonliklarga o‘z bizneslarini rivojlantirish uchun ulkan infratuzilma yaratmoqda. Biz mamlakatimizda elektron tijorat sohasiga katta qiziqish bildirmoqdamiz va raqamli xizmatlarni rivojlantirish va ulardan faol foydalanish uchun tadbirkorlarni va, albatta, ularning mijozlarini qo‘llab-quvvatlashga tayyormiz.
— Elektron tijorat O‘zbekiston sotuvchilariga mahalliy bozorda savdo hajmini kengaytirish va xalqaro iste’molchilarga chegaralar va geografik to‘siqlarni yengib o‘tishda yordam berishi mumkin, — Jahon bankining EGATE (Elevating Global Access Through E-commerce) elektron tijoratni rivojlantirish dasturi rahbari Chyu Niu ta’kidlaydi, — Elektron tijorat – bu hamma – ayollar, yoshlar va nogironlar uchun yuqori malakali va ko‘p vaqt talab qiladigan ish o‘rinlarini yaratadigan vosita. Ushbu konferensiya bu jarayonga muhim hissa qo‘shadi. Jahon banki jamoasi ushbu tadbirda xalqaro ma’ruzachilarning ishtirok etishiga ko‘maklashadi.
— Bugungi kunda Uzum Market’da 6 mingdan ziyod tadbirkor va kompaniya o‘z biznesini rivojlantirmoqda — bu biz platforma sifatida qo‘llab-quvvatlashga intilayotgan ulkan hamjamiyat, — deydi Uzum Market milliy marketpleysining bosh direktori Ilshat Xametov. — Tajriba va eng yaxshi amaliyotlarni baham ko‘rish va butun dunyo bo‘ylab bizning sohamiz qanday rivojlanayotganini ko‘rish endi boshlaganlar va tajribali sotuvchilar uchun muhim o‘sish vositasidir.
— Biz uchun sotuvchilar tajriba almashishlari va bugungi kunda marketpleys taklif etayotgan vositalar haqidagi so‘nggi yangiliklarni birinchi qo‘ldan bilib olishlari mumkin bo‘lgan platforma yaratish muhim, — deydi O‘zbekistondagi Sellerlar uyushmasi asoschisi Yekaterina Rashidova. — Konferensiyada bugun mamlakatimizda va undan tashqarida elektron tijoratni rivojlantirayotgan barchani yig‘ishga muvaffaq bo‘lganimizdan xursandmiz. Va, albatta, bu bir yil ichida O‘zbekistonda marketpleys so‘zining sinonimiga aylangan Uzum Market’ning qo‘llab-quvvatlashi tufayli amalga oshirildi.
Konferensiya haqida batafsil: https://sellerclub.uz/
Reklama
