AQSh prezidenti Jo Bayden Eronning sobiq prezidenti Mahmud Ahmadinajod (2005-2013) va mamlakat Razvedka vazirligiga qarshi sanksiyalar joriy etilganini e’lon qildi. 

Bu haqda Amerika rahbari bayonotida aytiladi. 

«Bugun biz sobiq prezident Mahmud Ahmanidajod va Eron Razvedka vazirligiga qarshi sanksiyalar kiritmoqdamiz. Biz Eronni mintaqadagi provokatsion harakatlari uchun javobgarlikka tortishda davom etamiz», - deyiladi bayonotda. 

Mahmud Ahmadinajod 1956 yilning 28 oktyabrida tug‘ilgan. U Eron Islom Respublikasining oltinchi prezidentidir. 2005 yilning 6 avgustida prezidentlik saylovlarini ko‘pchilik ovozi bilan yutgan. Prezident bo‘lishdan oldin Tehron hokimi bo‘lib xizmat qilgan. 

Ahmadinajod Jorj Bush boshqaruvi tanqidchisi hamda Rossiya, Venesuela, Suriya va Fors ko‘rfazi mamlakatlari bilan mustahkam aloqalarni o‘rnatish tarafdori bo‘lgan.