АҚШ президенти Жо Байден Эроннинг собиқ президенти Маҳмуд Аҳмадинажод (2005-2013) ва мамлакат Разведка вазирлигига қарши санкциялар жорий этилганини эълон қилди. 

Бу ҳақда Америка раҳбари баёнотида айтилади. 

«Бугун биз собиқ президент Маҳмуд Аҳманидажод ва Эрон Разведка вазирлигига қарши санкциялар киритмоқдамиз. Биз Эронни минтақадаги провокацион ҳаракатлари учун жавобгарликка тортишда давом этамиз», - дейилади баёнотда. 

Маҳмуд Аҳмадинажод 1956 йилнинг 28 октябрида туғилган. У Эрон Ислом Республикасининг олтинчи президентидир. 2005 йилнинг 6 августида президентлик сайловларини кўпчилик овози билан ютган. Президент бўлишдан олдин Теҳрон ҳокими бўлиб хизмат қилган. 

Аҳмадинажод Жорж Буш бошқаруви танқидчиси ҳамда Россия, Венесуэла, Сурия ва Форс кўрфази мамлакатлари билан мустаҳкам алоқаларни ўрнатиш тарафдори бўлган.