Бир нечта вилоят судларининг раислари ўзгарди. Бу ҳақда Судьялар олий кенгаши маълум қилди.

Президентнинг тегишли фармойиши билан:

Фарҳоджон Боқижонович Ғаниев – судьялик ваколати муддати даврининг беш йил муддатига Андижон вилоят судининг раиси лавозимига тайинланди ва шу муносабат билан Андижон вилоят суди раисининг ўринбосари – жиноят ишлари бўйича судлов ҳайъати раиси лавозимидан озод этилди;

Акрам Гайратович Шукуров – судьялик ваколати муддати даврига Жиззах вилоят судининг раиси лавозимига тайинланди ва шу муносабат билан Жиззах вилоят суди раисининг ўринбосари – фуқаролик ишлари бўйича судлов ҳайъати раиси лавозимидан озод этилди.

Шунингдек:

Учқун Холбоевич Рўзиев – судьялик ваколати муддати даврига Бухоро вилоят судининг раиси лавозимига (бунгача Ўзбекистон Республикаси Олий суди судьяси лавозимида ишлаган);

Акром Жўрақулович Утаев – судьялик ваколати муддати даврининг беш йил муддатига Фарғона вилоят судининг раиси лавозимига (бунгача Ўзбекистон Республикаси Олий суди судьяси лавозимида ишлаган);

Шуҳрат Маратович Камолов – судьялик ваколати муддати даврига Хоразм вилоят судининг раиси лавозимига (бунгача Фарғона вилоят судининг раиси лавозимида ишлаган);

Фаррух Сойибжонович Абдураимов – судьялик ваколати муддати даврига Андижон вилоят суди раисининг ўринбосари – жиноят ишлари бўйича судлов ҳайъати раиси лавозимига (бунгача Фарғона вилоят суди судьяси лавозимида ишлаган) тайинланган.

Президентнинг тегишли фармойишига мувофиқ ўз аризаларига асосан қуйидагилар лавозимидан озод этилган:

Талъатжон Бахтиёрович Мелибоев – Андижон вилоят судининг раиси лавозимидан;

Луқмон Мухторович Қодиров – Бухоро вилоят судининг раиси лавозимидан;

Ўткиржон Бўронович Жумаев – Жиззах вилоят судининг раиси лавозимидан;

Баҳодир Хусаинович Полванов – Хоразм вилоят судининг раиси лавозимидан.