Nyu-York meri noqonuniy muhojirlar oqimi shaharni vayron qilishi mumkinligini aytdi

Nyu-Yorkka noqonuniy muhojirlarning kuchli oqimi shaharni vayron qilishi mumkin, shuning uchun migratsiya inqirozini hal qilish uchun hukumatning ko‘proq sa’y-harakatlari kerak, deya ma’lum qildi mer Erik Adams.

«Bu muammo Nyu-Yorkni vayron qiladi. Har oy shaharga 10 ming muhojir kelyapti. Butun dunyodan odamlar yig‘ilib, AQShning janubiy chegarasini kesib o‘tib, Nyu-Yorkka yetib borishga qaror qilgan», - deya Adamsning so‘zlarini keltiradi The Hill.

U AQSh rasmiylariga noqonuniy muhojirlar oqimini jilovlash uchun qo‘shimcha yordam so‘rab murojaat qildi va vaziyatni o‘zgartirish uchun «siyosat haqiqiy o‘zgarishi zarurligini» ta’kidladi. 

«Biz har oy ta’kidlaganimizdek, faqat davlat, federal hamkorlarning ko‘proq yordami va Vashingtondagi kursning haqiqiy o‘zgarishi ushbu inqirozni yengishga yordam beradi», dedi Nyu-York meri.