Farg‘ona viloyat hokimligida yirik xorijiy tadbirkorlar bilan uchrashuv bo‘lib o‘tdi.

Viloyat hokimligi ma’lumotiga ko‘ra, tibbiy asbob-uskunalar va buyumlar ishlab chiqarish hamda savdosi bilan shug‘ullanuvchi Medzon Health va Alsaadi holding kompaniyalari boshqaruv raisi Abdul Al-Saadi va Saudiya Arabistonining Rosemarin kompaniyasi rahbari Bassam Al-Saadi bilan o‘tgan muloqotda o‘zaro hamkorlik masalalari muhokama qilindi.

Al-Saadi 2015 yilda tashkil etilgan va shtab-kvartirasi AQShning Kaliforniya shtatida joylashgan Medzon Health kompaniyasi bugungi kunda Turkiya, Tailand, Malayziya, Xitoy, Janubiy Koreya va Yaponiya kabi davlatlarda o‘z faoliyatini yo‘lga qo‘yganini ta’kidladi. U Farg‘onada ham bir qator loyihalarni amalga oshirish istagini bildirdi.

Muzokaralar davomida Quva tumanida 500 ta ish o‘rniga ega tibbiy buyumlar ishlab chiqarish zavodi loyihasini amalga oshirish yuzasidan dastlabki kelishuvlarga erishildi.