Andijon viloyatida 27 avgust kuni soat 03:11 da zilzila qayd etildi. Bu haqda FVV Seysmoprognostik monitoring Respublika markazi xabar qildi.
Episentri Andijon viloyati, Jalaquduq tumanida bo‘lgan yer silkinishi magnitudasi 4 ball, chuqurligi 15 kilometr bo‘lgan.
Uning sezilish kuchi:
- Jalaquduq tumanida 3 ball,
- Qo‘rg‘ontepa, Xo‘jaobod, Andijon tumanlarida 2-3 ball,
- Buloqboshi, Xonobod tumanlari va Andijon shahrida 2 ballni tashkil etdi.
26 avgust kuni tongda ham Jizzax viloyatida 3,6 magnitudali zilzila qayd etilgandi.
