Yil yakuniga qadar Xorazmga 100 ta yangi avtobus keltiriladi 

Xorazm viloyatida yo‘lovchi tashish faoliyati bilan shug‘ullanuvchi «Bunyodyo‘lovchitashish» MChJ Xitoyning Zhongtong Bus Holding kompaniyasi bilan shartnoma imzoladi. 

Unga ko‘ra, Xitoy zavodi 2023 yil yakuniga qadar Xorazm viloyatiga 100 ta avtobus yetkazib berishi rejalashtirilgan. 

Zhongtong Bus Holding Xitoyning Shandun provinsiyasida joylashgan zavod bo‘lib, eng yirik avtobus ishlab chiqaruvchilardan biri hisoblanadi. 

Kompaniya 1958 yilda tashkil etilgan va 1971 yildan avtobus ishlab chiqarishni boshlagan. 

Zhongtong Bus uzunligi 6 metrli yengil avtobuslarni, 18 metrli yuqori toifali hashamatli avtobuslarni, jumladan, shaharlararo, shahar ichida qatnovchi gibrid elektr avtobuslarini ham ishlab chiqaradi.