O‘zbekiston qonunchiligida go‘sht mahsulotlarini sotish bo‘yicha me’yorlar «Ixtisoslashtirilgan so‘yish korxonalari faoliyatini tartibga solish hamda iste’mol bozoriga go‘sht va go‘sht mahsulotlarini yetkazib berish tizimini yanada takomillashtirish chora-tadbirlari to‘g‘risida»gi Vazirlar Mahkamasi qarorida belgilab qo‘yilgan.

Jumladan, go‘sht mahsulotlarini sotish mumkin bo‘lmagan holatlar quyidagilar:

• so‘yilishi ixtisoslashtirilgan va mini so‘yish korxonalarida amalga oshirilmagan bo‘lsa;
• go‘sht va go‘sht mahsulotlarini tashish uchun belgilanmagan transport yordamida yetkazib berilgan bo‘lsa;
• tegishli veterinariya hujjatlari bo‘lmasa;
• veterinariya-sanitariya ekspertizasining xulosasi (ma’lumotnomasi) bo‘lmasa;
• oyoqlari va bosh qismi jun bilan birga bo‘lsa, shuningdek parranda va qushlarning patlari yulinmagan bo‘lsa;
• xona yoki ko‘cha haroratida ilgakka osilgan yoki yerga (ochiq rasta ustiga) ochiq holda qo‘yilgan holatda bo‘lsa;
• veterinariya-sanitariya jihatidan xavfsizligi kafolatlangan go‘shtlarning yagona elektron ma’lumotlar bazasiga kiritilmagan bo‘lsa.