Qoʻshimcha funksionallar
-
Tungi ko‘rinish
Tanadagi toshmalar sabablari haqida ma’lumot berildi
Tanadagi toshmalar ko‘p shaklli eritema xastaligiga xos tashqi alomat ekani aytildi.

Foto: Getty Images
Teridagi qizarish va toshmalar tez-tez kuzatiladigan holat va buning o‘ziga xos sabablari bor. Bu haqda Respublika ilmiy ixtisoslashtirilgan allergologiya markazi direktori Ilmira Razikova ma’lumot berdi.
«Ayrim yuqumli kasalliklar dermatologik muammolar, intoksikatsiya, qon aylanishining buzilishi kabi belgilar bilan namoyon bo‘lishi mumkin. Tanadagi toshmalar — ko‘p shaklli eritema xastaligiga ham xos tashqi alomat. Bu dard allergik xususiyatga ega bo‘lib, ko‘proq bahor va kuz mavsumida kuchayishga moyil. Undan aziyat chekuvchi qatlam — asosan o‘rta yoshli bemorlar», dedi shifokor.
Kasallikni keltirib chiqaruvchi sabablar turlicha. Statistik tahlillar ko‘p shaklli eritemaga chalinganlarning taxminan 70 foizi surunkali yuqumli kasalliklar, xususan, sinusit, surunkali tonzillit, o‘rta otit, pulpit yoki piyelonefritga moyilligini tasdiqlaydi. Bunday bemorlarda xastalik kuchayishi davrida T-hujayra immunitetining pasayishi aniqlanadi.
«Xastalikning ikkita asosiy turi mavjud. Eng ko‘p tarqalgani — yuqumli-allergik ko‘p shaklli eritema. U organizmdagi infeksiyaning surunkali o‘chog‘iga nisbatan allergik reaksiya natijasida yuzaga keladi», dedi shifokor.
Mazkur xastalikning rivojlanishi yoki avj olishida birgina surunkali infeksiya o‘chog‘ining o‘zi yetarli emas. Buning uchun qo‘zg‘atuvchi omillarning ma’lum kombinatsiyasi zarur. Masalan: immunitet tanqisligi, gipotermiya, ultrabinafsha nurlanish, ba’zi oziq-ovqat konservantlari (benzoatlar, formaldegid va boshqalar), psixo-emotsional stress, ovqat hazm qilish tizimi patologiyasi (surunkali gastrit, disbakterioz), autoimmun kasalliklar va onkopatologiya, O‘RVI, tonzillit va boshqa kasalliklar.
«Ko‘p shaklli eritemaning toksik-allergik turi esa odatda amidopirin, barbituratlar, sulfanilamidlar va tetrasiklinlar guruhiga mansub ba’zi dorilar ta’sirida rivojlanadi», dedi mutaxassis.
Umumiy holsizlik, isitma, mushaklar og‘rig‘i va artralgiya ko‘p shaklli eritemaning ilk alomatlari hisoblanadi. So‘ng ikki kun ichida teri va shilliq qavatda qizil-pushti rangdagi toshmalar paydo bo‘ladi. Ushbu papulalar tezda kattalashib, diametri 2-3 santimetrga yetadi. Toshmalar o‘rtasida va ba’zi hollarda terining sog‘lom qismlarida ham pufakchalar paydo bo‘lishi mumkin.
Shifokor so‘zlariga ko‘ra, eritema dog‘lari asosan qo‘l va oyoqlarning orqa qismi, tizzalar, tirsak sohasida yuzaga keladi. Ayrim vaziyatlarda og‘iz bo‘shlig‘ining shilliq qavati va lablarning shikastlanishiga ham olib keladi.
Kasallikning toksik-allergik shakli esa dastlabki umumiy holsizlik va og‘riqlar bilan boshlanib, toshmalar darhol paydo bo‘ladi.
Tavsiya etamiz
Yevropa Ittifoqining 18-sanksiyalar paketi Rossiyaga qanday ta’sir qiladi?
Jahon | 23:12 / 21.07.2025
Uy sotib olishda aldanib qolmaslik uchun nimalarga e’tibor qilish kerak?
Ko‘chmas mulk | 16:30 / 21.07.2025
Super-kontraktni bo‘lib-bo‘lib to‘lash mumkinmi?
Ta’lim | 11:29 / 21.07.2025
Davlat OTMga qabul kvotalari tasdiqlandi
Ta’lim | 11:09 / 21.07.2025
So‘nggi yangiliklar
-
Britaniyada depressiyaga chalingan odamlarga futbolga borish tavsiya etildi
Sport | 23:20 / 22.07.2025
-
AQSh Trampning yangi muddati davomida Ukrainaga birinchi harbiy yordam shartnomasini e’lon qildi
Jahon | 23:01 / 22.07.2025
-
O‘zbek-qozoq chegarasidagi tunnel, ijtimoiy obektlar geoportali va Jizzaxga tashrif – mahalliy dayjest
O‘zbekiston | 22:54 / 22.07.2025
-
Eron davlat xodimlarining iPhone’lari Isroil bilan urush oldidan kiberhujumga uchradi – OAV
Jahon | 22:18 / 22.07.2025
Mavzuga oid

22:33 / 17.07.2025
“Yoshartiruvchi muolaja” - vaqtinchalik taskin: teri salomatligi aslida nimaga bog‘liq?

21:57 / 17.07.2025
Odamlar eng tez va sekin qariydigan mamlakatlar aniqlandi

17:08 / 10.07.2025
Soch to‘kilishi, ko‘z osti qorayishi, lab yorilishi: tana tili bizni nimalardan ogohlantiradi?

15:12 / 08.07.2025