“Умуман олганда, алоқа гуруҳи Украинага хавфсизликни таъминлаш учун 65 миллиард доллар ёрдам беришга ваъда қилди”, — деди у алоқа гуруҳининг онлайн йиғилишида. 

У тез орада украиналик учувчиларни F-16 қирувчи самолётларини бошқаришга ўргатиш бошланишига умид билдирди. Унинг сўзларига кўра, бу "яқин ҳафталарда" бошланиши мумкин.

НАТО давлатлари Украина билан шартнома лойиҳасини ишлаб чиқмоқда, унга кўра Киев узоқ муддатли асосда Ғарб қуроллари ва ҳарбий технологияларини олади, деди Полша президенти Анжей Дуда 22 май куни Американинг The Wall Street Journal газетасига берган интервьюсида. 

WSJ таъкидлашича, АҚШ президенти Жо Байден ва Ғарб бошқа етакчилари аввалроқ НАТО-Украина муносабатлари АҚШ-Исроил хавфсизлик муносабатларидан намуна олиши мумкинлигини айтишган. 

Ҳозирда Қўшма Штатлар ва Исроил ўртасида ўн йил давомида Исроилга кўп миллиард долларлик Америка қуролларини етказиб беришни назарда тутувчи келишув мавжуд. Шу билан бирга, у ташқи тажовуз содир бўлган тақдирда АҚШнинг Исроилга ёрдам кўрсатиш мажбуриятини англатмайди.