“Umuman olganda, aloqa guruhi Ukrainaga xavfsizlikni ta’minlash uchun 65 milliard dollar yordam berishga va’da qildi”, — dedi u aloqa guruhining onlayn yig‘ilishida. 

U tez orada ukrainalik uchuvchilarni F-16 qiruvchi samolyotlarini boshqarishga o‘rgatish boshlanishiga umid bildirdi. Uning so‘zlariga ko‘ra, bu "yaqin haftalarda" boshlanishi mumkin.

NATO davlatlari Ukraina bilan shartnoma loyihasini ishlab chiqmoqda, unga ko‘ra Kiyev uzoq muddatli asosda G‘arb qurollari va harbiy texnologiyalarini oladi, dedi Polsha prezidenti Anjyey Duda 22 may kuni Amerikaning The Wall Street Journal gazetasiga bergan intervyusida. 

WSJ ta’kidlashicha, AQSh prezidenti Jo Bayden va G‘arb boshqa yetakchilari avvalroq NATO-Ukraina munosabatlari AQSh-Isroil xavfsizlik munosabatlaridan namuna olishi mumkinligini aytishgan. 

Hozirda Qo‘shma Shtatlar va Isroil o‘rtasida o‘n yil davomida Isroilga ko‘p milliard dollarlik Amerika qurollarini yetkazib berishni nazarda tutuvchi kelishuv mavjud. Shu bilan birga, u tashqi tajovuz sodir bo‘lgan taqdirda AQShning Isroilga yordam ko‘rsatish majburiyatini anglatmaydi.