2022 yilda Rossiyadan Finlandiyaga migratsiya SSSR parchalanganidan beri rekord ko‘rsatkichga yetdi, deb xabar berdi Finlandiya statistikasi 24 may, chorshanba kuni.

2022 yilda Rossiyadan Finlandiyaga 6003 kishi ketgan, bu 30 yildan ortiq vaqt ichidagi rekord ko‘rsatkichdir. Rossiyadan ko‘chib ketganlarning qariyb 94 foizi Rossiya fuqaroligiga ega edi. O‘tgan hafta Finlandiya Immigratsiya xizmati mobilizatsiyadan qochmoqchi bo‘lgan 1109 Rossiya fuqarosi Finlandiyadan boshpana so‘raganini ma’lum qildi.

Boshqarmaning katta statistik mutaxassisi Yuxan Nordbergning so‘zlariga ko‘ra, o‘tgan yili Rossiyadan Finlandiyaga immigratsiyaning asosiy to‘lqini may va dekabr oylarida sodir bo‘lgan va bu Rossiyaning Ukrainaga bostirib kirishi bilan bevosita bog‘liq.

Idora ma’lumotlariga ko‘ra, 1990 yilda Sovet Ittifoqidan Finlandiyaga 1958 kishi ko‘chib ketgan bo‘lsa, 1991 yilda SSSR parchalanganidan keyin ularning soni 5515 kishiga yetgan. Keyingi bir necha yil ichida, 1992 yildan 1995 yilgacha Rossiyadan har yili taxminan 1700-2600 kishi Finlandiyaga ko‘chib o‘tdi. 2021 yilda bu ko‘rsatkich 3100 kishidan past darajada bo‘ldi, deb xabar berdi boshqarma.