Hatto yadro quroli ham ikkita davlatga bitta - To‘qayev Rossiya va Belarus haqida

Jahon 09:42 / 25.05.2023 20116

Qozog‘iston prezidenti Qosim-Jo‘mart To‘qayev Moskvadagi forumda so‘zlagan nutqida Yevrosiyo iqtisodiy ittifoqi (YeOII) doirasida Rossiya va Belarus ittifoq davlati mavjudligini, biroq “integratsiyaning boshqa darajasi” - Qozog‘iston, Qirg‘iziston va Armaniston ham borligini aytdi.

“Bizda YeOIIda ittifoq davlati bor, ya’ni jahon siyosiy tarixida noyob pretsedent yaratildi yoki fenomen - “ikki davlat – bir mamlakat” formulasi bo‘yicha davlatni yaratish hodisasi, yagona siyosiy, huquqiy, harbiy, iqtisodiy, valuta, madaniy, humanitar makoni bilan. Yagona ittifoq hukumati, yagona ittifoq parlamenti, hatto yadro quroli ham hozir ikkita davlatga bittadir”, — dedi To‘qayev Moskvadagi Yevrosiyo iqtisodiy forumi yig‘ilishida.

Shu bilan birga, To‘qayev YeOIIda Qozog‘iston, Qirg‘iziston va Armaniston bo‘lgan “yana bir integratsiya darajasi” mavjud ekanligini ta’kidladi. “Biz bu haqiqatni hisobga olishimiz kerak. Bunday sharoitda qanday ishlashimiz - konseptual masala. O‘ylaymanki, bu muammoni muhokama qilishimiz kerak”, — deya xulosa qildi Qozog‘iston prezidenti.

2022 yilning yozida Sankt-Peterburg xalqaro iqtisodiy forumida so‘zga chiqqan To‘qayev o‘zini mustaqil deb e’lon qilgan "DXR" va "LXR"ni “kvazi-davlat hududlari” deb atadi, shuningdek, Qozog‘iston Abxaziya va Janubiy Osetiya mustaqilligini tan olmagani kabi, ularning mustaqilligini ham tan olmasligini qo‘shimcha qildi. 

Ko‘proq yangiliklar: