AQSh Kremlga hujumga Kiyev aloqador bo‘lishi mumkinligini aniqladi

Jahon 10:36 / 25.05.2023 7289

AQSh maxsus xizmatlari dastlabki tahlillarga asoslanib, may oyi boshida Kremlga uchuvchisiz uchoqlar bilan qilingan hujum ortida Ukraina turgan bo‘lishi mumkin deb hisoblamoqda, deb yozadi The New York Times 24 may, chorshanba kuni manbalariga tayanib.

AQSh razvedka agentliklariga ko‘ra, hujum Ukraina razvedka idoralari tomonidan amalga oshirilgan bo‘lishi mumkin, ammo AQSh aynan qaysi idora buni qilganini bilmaydi. Amerika razvedkasi Ukraina prezidenti Volodimir Zelenskiyning hujum haqida bilgani yoki bilmagani haqida ham ma’lumotga ega emas, deb yozadi NYT.

Nashrning yozishicha, AQShning ayrim rasmiylari dastlab hujum Rossiya rasmiylari tomonidan “soxta bayroq ostidagi operatsiya” sifatida amalga oshirilgan, deb hisoblagan. Rossiya rasmiylarining tutib olingan xabarlarini o‘rgangach, AQSh razvedkasi Ukraina tomoni hujum qilgani bo‘yicha versiyaga yaqinlashdi, deya ma’lum qildi NYT.

"Qo‘shma Shtatlar Ukraina suhbatlarini ham eshitdi, unda rasmiylar bu harakat ortida o‘z mamlakati turgani haqida fikr bildirdi. Ammo bu amaldorlar, aftidan, Ukraina tizimida aynan kim buni rejalashtirishi va amalga oshirishi mumkinligini bilmagan", - deb yozadi gazeta.

Ko‘proq yangiliklar: