Республика таълим марказига таянч ўқув режа асосида тегишли тақвим-мавзу режаларини ишлаб чиқиш, 1-синф информатика ва ахборот технологиялари фанини ўқитиш методикаси, ўқув дастури, давлат таълим стандартлари ва тақвим-мавзу режаларини амалиётга татбиқ этиш бўйича вазирликка таклиф киритиш топширилди.
А.Авлоний номидаги педагогларни касбий ривожлантириш ва янги методикаларга ўргатиш миллий-тадқиқот институтига:
- бошланғич синф ўқитувчилари учун 1-синф информатика ва ахборот технологиялари фанини замонавий методикалар асосида ўқитиш ва ўргатиш бўйича қисқа муддатли ўқув курслари дастурини ишлаб чиқиш;
- умумий ўрта таълим мактабларидаги 1-синф информатика ва ахборот технологиялари фанини ўқитадиган бошланғич синф ўқитувчиларини қисқа муддатли ўқув курсларига қамраб олиш графигини ишлаб чиқиш ва тасдиқлаш;
- 2023 йил 25 августга қадар бошланғич синф ўқитувчилари учун информатика ва ахборот технологиялари фани мазмун-моҳияти бўйича қисқа муддатли ўқув курслари самарали ташкил этилишини мувофиқлаштириш вазифалари юклатилди.
