“Ayolni behurmat qilishning o‘zi - eng yomon zo‘ravonlik”.  O‘zbekistonliklarning oiladagi zo‘ravonlikka munosabati

Jamiyat 10:32 / 14.04.2023 28231

So‘rovnoma ishtirokchilarining aksariyati ayollarga nisbatan zo‘ravonlikni urish, do‘pposlash, haqoratlash bilan ifodalanishini qayd etdi. Bir guruh respondentlar jinsiy zo‘ravonlikning ko‘p uchrayotganidan tashvishdaligini bildirdi. Suhbatdoshlar bunday zo‘ravonliklarga qanday jazo berilishi kerakligi haqidagi savolga ham javob qaytardi.

“Zo‘ravonlik – ayolni tahqirlash-da. Bunday erkaklarning jamoat joylarida yurishga ham, xalqning orasida turishga ham haqqi yo‘q. Ularni erkak deb hisoblamayman. Bundaylarni umuman jamiyatdan chiqarib, qayergadir olib borib tashlash kerak. Qamoq jazosi bilan qutulib qolishmaydi, u yer (qamoq)dan battar bo‘lib chiqadi. Yaxshisi, xalqning orasida toshbo‘ron qilish kerak”.

“Qo‘l bilan ursa, 5-6 yilga, jinsiy zo‘ravonlik qilinsa, umrbod qamoq jazosi berilsa, to‘g‘ri bo‘lardi”.

“Zo‘ravonlikning eng birinchisi – behurmat qilish va qo‘l ko‘tarish. Bu ayol uchun erkak tomonidan qilinadigan eng yomon narsa. Ularni omma oldida xalqning o‘zi jazolashi kerak”.

“Zo‘ravonlarning kechirib bo‘lmaydigan ayblari bo‘lsa, oliy jazo berilishini so‘rardim”.

“Ayolga qo‘l ko‘tarish, nohaq ayblashni zulm deyish mumkin, zulmning ko‘p turlari bor. Tajribamda juda ko‘p bo‘lgan, lekin bu ishimdan afsuslanaman”.

“Ruhiy zo‘ravonlik eng yomoni bo‘lsa kerak deb o‘ylayman. Bosim o‘tkazishi oqibatida ayol chorasiz bo‘lib qolganidan so‘ng bilmadim nima qiladi?”.

“Farzandlari oldida behurmat qilishsa, mana shu zo‘ravonlik. Ayol kishi bunga chiday olmaydi. Bu urish, so‘kishdan ham yomoni. Hayotimda ham bo‘lgan. Ularni jim, indamasdan jazolash kerak. Allohga solsa, bo‘ldi”.

So‘rovnomani to‘liq yuqoridagi videoda ko‘rish mumkin.

Dilshoda Shomirzayeva tayyorladi,

Tasvirchi Asror Almurodov

Ko‘proq yangiliklar: