Sog‘liqni saqlash vazirligi matbuot xizmati o‘tgan 3 oyda «Tez yordam» xizmatiga mamlakat bo‘yicha jami 3 million 90 ming 479 ta chaqiriq kelib tushganini ma’lum qildi.

Ta’kidlanishicha, bemorlardan 276 ming 566 nafari shifoxonalarga gospitalizatsiya qilingan. Eng ko‘p murojaatlar:

• Farg‘ona viloyatida — 359 795 ta;
• Andijon viloyatida — 315 941 ta;
• Toshkent shahrida — 307 994 ta;
• Toshkent viloyatida — 294 037 ta;
• Namangan viloyatida — 283 665 ta qayd etilgan.

Ma’lumot uchun, 2022 yil davomida tez tibbiy yordam xizmatiga jami 13 million 22 ming 162 ta chaqiriq kelib tushgan edi.