Farg‘onada sudlanuvchi sud binosidan qochib ketdi

5 oydan beri tergov hibsxonasida saqlanayotgan sudlanuvchi jinoyat ishlari bo‘yicha Buvayda tuman sudiga keltirilganida xojatxonaga chiqib kelish bahonasida sud binosi devoridan oshib o‘tib, aholi yashash joyiga yashiringan.

Kun.uz manbasining ma’lum qilishicha, joriy yil 7 aprel kuni Qo‘shtepa tumanida yashovchi 29 yoshli sudlanuvchi konvoyda jinoyat ishlari bo‘yicha Buvayda tuman sudiga keltirilgan. U Jinoyat kodeksining 104-moddasi (qasddan badanga og‘ir shikast yetkazish) 3-qismi bilan aybli deb topilib, 2022 yilning 7 noyabr kunidan beri tergov hibsxonasida saqlanayotgan bo‘lgan.

Sud binosiga keltirilgan sudlanuvchi xojatxonaga chiqib kelishni so‘ragan. E’tiborsiz qoldirilganidan foydalanib, sud hovlisidagi devoridan boshqa tomonga sakrab o‘tgan hamda aholi yashash joyiga yashiringan. U devordan narvon orqali oshib o‘tgan. Narvonga chiqayotganida konvoy xodimlari ko‘rib qolishgan va yugurib kelib, kiyimidan ushlashgan. Biroq sudlanuvchi kiyimlarini yechib tashlab, qochishga ulgurgan.

U bir necha soatlik qidiruvlardan so‘ng sud binosiga yaqin bo‘lgan xonadonlardan birining tomida yashirinib o‘tirganida ushlangan.

Jizzaxdagi manzil-koloniyadan 2 mahkum qochib ketdi

#Farg‘ona #sud binosi #sudlanuvchi