DXX 1,1 mlrd so‘mlik oltin quymalar noqonuniy muomalasiga chek qo‘ydi

O‘zbekiston 10:59 / 31.03.2023 10818

Dastlab Andijon shahrida yashovchi, muqaddam sudlangan shaxs og‘irligi 672 gr bo‘lgan bir bo‘lak oltin quymasini Namangan shahrida istiqomat qiluvchi zargarga 40 ming AQSh dollariga sotgan vaqtida ularning ikkalasi ham ushlandi

So‘ngra ushbu zargar buyurtmasiga ko‘ra, Olmaliq shahridan og‘irligi 613 gr bo‘lgan bir bo‘lak oltin quymasini olib ketayotgan Namangan shahrida yashovchi fuqaro boshqaruvidagi “Kobalt” rusumli avtomashina Chust tumanida to‘xtatilib, ashyoviy dalil protsessual tartibda rasmiylashtirib olingan.

Boshqa bir holatda esa Namangan shahrida yashovchi, muqaddam sudlangan shaxs Pop tumani hududida Angren shahrida istiqomat qiluvchi fuqaro bilan uchrashib, undan og‘irligi 250 gr bo‘lgan 3 ta oltin quymasini sotib olgan vaqtida ularning ikkalasi ham ushlangan.

O‘tkazilgan tezkor tadbirlar natijasida umumiy bahosi 1 mlrd 124 mln so‘mlik, jami 1 kg 535 gr oltin quymalari hamda 40 ming AQSh dollari ashyoviy dalil sifatida olingan.

Ko‘proq yangiliklar: