Унда автомобилсозлик саноати ходимлари, тадбиркорлар, ҳарбийлар, спортчилар ва ёшлар иштирок этди. Тадбирда сўзга чиққан жамоат фаоллари халқимизни 2023 йил 30 апрелда ўтказиладиган референдумга бефарқ бўлмасликка чақирди.

Тадбирда сўзга чиққан таниқли тадбиркор Хуршид Тўраев фаолиятини 23 кишидан бошлаб тўққиз йил ичида уч минг нафарга етказгани ҳақида гапирди.

– 2014 йилда целлофан ишлаб чиқаришни йўлга қўйганимда, ходимларимиз 23 нафарни ташкил этарди. Имкониятлардан фойдаланиб, қурилиш корхонаси фаолиятини йўлга қўйдим. Хорижий инвесторларни жалб қилдик. Мамлакатимизнинг турли ҳудудларида янги бинолар қуряпмиз. Юртимиз равнақи, тадбиркорлик ривожи, ишчи ходимлар ва фарзандларимиз тақдирига бефарқ бўлмаган ҳолда 3 минг кишилик жамоамиз ва оила аъзоларим билан бирга референдумда фаол иштирок этамиз.

Тарғибот тадбирида шунингдек, спорт, маданият, иқтисодиёт йўналишларида юқори натижаларга эришган инсонлар ўз қарашлари, янгиланаётган Конституциянинг муҳим жиҳатлари ҳақида гапирдилар. Конституция аҳолининг барча қатламига бирдек тегишли бўлиб, бир қатор бўшлиқлар тўлдирилаётганига мисоллар келтирилди.

Ёшлар турли соҳаларда юқори натижаларга эришган инсонлар билан суҳбатлашдилар, ўзларини қизиқтирган саволларга жавоб олдилар.

Таниқли санъаткорлар иштирокида галаконцерт ҳам ўтказилди.

Шу мазмундаги учрашувлар, тарғибот тадбирлари вилоятнинг барча ҳудудларида бўлиб ўтмоқда.