FT: 2000 ta xorijiy kompaniya Rossiyadagi aktivlarini sotishga urinyapti

Jahon 11:20 / 29.03.2023 3155

Taxminan 2000 ga yaqin xorijiy kompaniyalar Rossiya Moliya vazirligining xorijiy investitsiyalar bo‘yicha komissiyasiga Rossiyadagi aktivlarini sotish uchun ariza topshirgan. Bu haqda 28 mart, seshanba kuni, Financial Times (FT) nashri manbaga tayangan holda ma’lumot berdi.

Nashr suhbatdoshiga ko‘ra, Moliya vazirligi komissiyasi har oyda uch marta yig‘ilib, bir yig‘ilishda yettidan ko‘p bo‘lmagan arizani ko‘rib chiqadi. Shunday qilib, The Insider hisob-kitobiga ko‘ra, ushbu jarayon tezligida komissiya tomonidan barcha taqdim etilgan arizalarni ko‘rib chiqish deyarli sakkiz yil davom etishi mumkin.

Kiyev Iqtisodiyot maktabi tahlil markazi rahbari Natalya Shapoval Financial Times nashriga yozdan beri Rossiya biznesini sotmoqchi bo‘lgan xorijiy kompaniyalar ko‘plab cheklovlarga duch kelganini aytdi. Rossiyada yuridik shaxslarga ega bo‘lgan va yiliga kamida 5 million dollar daromad olgan 1400 ga yaqin xorijiy kompaniyalarni kuzatgan tahlilchilarga ko‘ra, atigi 206 kompaniya Rossiyadagi aktivlarini to‘liq sotgan.

Rossiya Moliya vazirligining 27 martdagi qaroriga ko‘ra, Rossiyada aktivlarini sotishga harakat qilayotgan «do‘st bo‘lmagan» mamlakatlar kompaniyalari federal budjetga hissa qo‘shishlari shart, bu rasman «ixtiyoriy» deb ataladi va sotilgan aktivlar bozor qiymati yarmining 10 foizini tashkil qilishi kerak. Agar aktivlar 90 foizdan ortiq chegirma bilan sotilsa, u holda «to‘lov» to‘liq narxning 10 foizigacha ko‘tariladi.

Ko‘proq yangiliklar: