«Улар буни ҳали қилмади. Лекин, албатта, мен бундан хавотирдаман», деди у Вашингтонда журналистларга. 

Байден Владимир Путиннинг тегишли баёнотини «хавфли гаплар» деб атади.

Аввалроқ Беларус Ташқи ишлар вазирлиги Россия тактик ядровий қуроллари учун махсус омбор қурилиши нима учун Ядро қуролини тарқатмаслик тўғрисидаги шартномага (ЯҚТШ) зид эмаслигини тушунтирди. Тегишли баёнот 28 март куни Беларус ТИВ сайтида эълон қилинди. 

Муайян ўқ-дорилар билан самолётларни бошқаришга қодир беларуслик учувчиларни тайёрлаш, бундай самолётларни модернизация қилиш, шунингдек, Беларус ҳудудида ядро каллакларини улар устидан назоратни Минскка ўтказмасдан жойлаштириш, шунингдек, тегишли технологиялардан фойдаланиш «ҳеч қандай тарзда ЯҚТШнинг I ва II моддалари қоидаларига зид келмайди», деб кўрсатилган Ташқи ишлар вазирлиги изоҳида. 

«Беларус ва Россия ўртасидаги ҳарбий ҳамкорлик қатъий халқаро қонунларга мувофиқ амалга оширилмоқда», дея маълум қилди Минск ва қўйилаётган қадамлар «янгилик» эмаслигини қўшимча қилди. 

25 март куни Россия президенти Владимир Путин Беларусда рус тактик ядро қуролларини жойлаштириш учун махсус омбор қурилиши 1 июлда якунланиши кераклигини маълум қилди. Ўнта самолёт ушбу турдаги қуроллардан фойдаланишга тайёр, «Искандер» ташувчи комплекси топширилди, деди Путин. Унга кўра, экипаж машғулотлари 3 апрелдан бошланади.