Fransiya sensatsiyadan qutulib qoldi, Niderlandiya 50 ta zarba berdi. Yevropada kun o‘yinlari

Sport 12:44 / 28.03.2023 37642

B guruhi

Irlandiya sensatsiya ko‘rsatishiga bir baxya qoldi

Irlandiya — Fransiya 0:1
Gol:
Pavar (50). 
Irlandiya – Bazunu, Koulmen, Igan, O`Shi (Braun, 78), Kollinz, Doerti (Makkleyn, 77), Kallen, Molambi (Obafemi, 86), Nayt (Jonston, 77), Ogbene, Fergyuson (Ida, 65).
Fransiya – Menyan, Pavar (Kunde, 81), Upamekano, Konate, Ernandes, Rabo (Tchuameni, 81), Kamavinga, Jiru (Diabi, 65), Grizmann, Mbappe, Kolo-Muani (M.Tyuram, 90+2).

Birinchi turni o‘tkazib yuborgan Irlandiya jaho vitse-chempionlariga muammo tug‘dira olishi avvaldan kutilgandi. To‘g‘ri, Dide Deshamning ham o‘z rejalari bor edi va Dublinda u o‘ta hujumkor sxema tanladi, unda Kolo Muaniga ham, avvalgi turda dam berilib, faqat o‘yin oxirida maydonga tushirilgan Jiruga ham boshlang‘ich tarkibdan joy topildi. Ammo «yashil libosli yigitlar» niderlandlarning xatolaridan saboq chiqargan holda Fransiyaga bo‘sh hududlar qoldirishmadi va birinchi bo‘limda yodda qolarli vaziyatning o‘zi bo‘lmadi.

O‘z jamoasi forvardlarining ilojsizligini ko‘rgan himoyachi Pavar esa tashabbusni o‘z qo‘liga olishga qaror qildi. U pressingga qo‘shilib, to‘pni egallab oldi va jarima maydoni tashqarisidan kuchli zarba yo‘lladi, to‘p rikoshet orqali darvoza to‘sini ostidan borib tushdi. Aftidan, 2018 yilgi jahon chempionatining eng chiroyli goli muallifi oddiy gol ura olmaydi. Shunisi e’tiborliki, mehmonlarning shu kuni darvoza sohasiga aniq yo‘llagan uchta aniq zarbasidan birinchisi va xavflisi bo‘lgan shu zarba jamoaga g‘alaba keltirdi.

Shu bilan birga, kimni o‘yinning eng yaxshi futbolchisi deb topish bahsli masala bo‘lib qoldi — Pavarnimi yoki final hushtagi chalinishi arafasida mo‘jiza ko‘rsatgan Menyanni? Avvaliga ushbu darvozabon Kunde avtogol muallifiga aylanishiga yo‘l qo‘ymay, darvoza to‘sini ostiga kirib ketayogan to‘pni qaytardi. Keyin esa to‘p burchakdan o‘yinga kiritilganida aql bovar qilmas seyv ijro etdi.

Kollinz zarbadan keyin golni nishonlashga tayyor edi, ammo Menyan yuqori burchakka yo‘l olgan to‘pni olib chiqqanida boshini changallab qoldi.

Niderlandiya — Gibraltar 3:0
Gollar: Depay (23), Ake (50, 82). 
Niderlandiya – Sillessen, Dumfris, van Deyk, de Ligt (Malasia, 77), Ake, Veynaldum (Gakpo, 46), Viffer (Blind, 63), Simons, Bergeys (Malen, 46), Depay (Klassen, 63), Vegorst.
Chetlatish: Uoker (51).

O‘z navbatida, Parijda yirik hisobda mag‘lub bo‘lgan niderlandlar kutilganidek Gibraltarga qarshi o‘yinda xumordan chiqishdi. Shu bilan birga, Rotterdamdagi muxlislar ko‘proq kutgan bo‘lsa-da, Depayning goli tanaffusga qadar yagonaligini saqlab qoldi. Qolaversa, bu gol darvozabon to‘pga chiqishda o‘ta qo‘pol xatoga yo‘l qo‘yishi tufayli urildi. Boshqa tomondan Veghorst ikkita juda qulay imkoniyatni yo‘qqa chiqardi, Memfis esa — shunchaki gibraltarliklar bo‘yicha mutaxassis. Bu raqibga qarshi o‘yinlardagi 16 goldan qariyb yarmi «Atletiko» forvardining to‘g‘ridan to‘g‘ri ishtirokida (5+2) urilgan.

Ammo bu safar barchasi kamtarona kechdi, holbuki mezbonlar ikkinchi bo‘limning katta qismini bir kishi ko‘p bo‘lib o‘tkazgan va jami 50 zarba (!) bergan bo‘lsa-da. Ikkinchi bo‘limda Niderlandiya tarkibidagi eng faol futbolchi Ake darvozani ishg‘ol etdi. O‘z ampluasiga qaramay, himoyachi raqib darvozasi tomon to‘qqiz bor hujum uyushtirdi va yettita vaziyat yaratdi. Gibraltar esa jahon reytingida yuqori o‘rinlarda turuvchi raqibning shunday statistikasiga qaramay, faqat uchta gol o‘tkazib, o‘ziga xos rekord o‘rnatdi. Bunga qadar ushbu mitti davlat JCh-2014 saralashida Germaniyadan faqat 4 gol o‘tkazgani bilan faxrlana olardi.

16 iyun. Gibraltar — Fransiya, Gretsiya — Irlandiya.

F guruhi

Rangnikda yana g‘alaba, shvedlar o‘zini oqladi

Avstriya — Estoniya 2:1
Gollar: Kains (68), Gregorich (88) — Sappinen (25). 
Aniq ijro etilmagan penalti: Gregorich (17). 
Avstriya – Lindner, Posh (Onisivo, 82), Danzo, Danilyuk (Alaba, 46), Mvene, Laymer, Vimmer (Kayns, 61), Lyubichich (Adamu, 46), Zayvald, Baumgartner (Shmid, 90), Gregorich.
Estoniya – Xeyn, Tamm, Mets, Paskochiy, Pikk (Tunev, 90), Sinyavskiy, Vasilev, Miller (Sheyn, 78), Kyayt, Sappinen (Oyamaa, 84), Zenev (Reynkort, 90).

Millatlar Ligasi startini ham Avstriya yaxshi o‘tkazgandi. Birinchi davra yakunlariga ko‘ra Ralf Rangnik jamoasi turnir kashfiyoti maqomiga mos o‘yin ko‘rsatgandi, ammo yakunda jamoa so‘nggi o‘ringa tushib ketdi. Yevro saralashida esa avstriyaliklarga bunday natija tahdid solmasligi tayin, lekin 2 turdan keyin 100 foizlik natija qayd etilgan bo‘lsa-da, jamoada barqarorlik borasidagi muammolar bo‘y ko‘rsatishni boshladi.

Ozarboyjon bilan safar o‘yinidagi 4:1 hisobidan keyin uyda Estoniyaga qarshi ham shunday ishonchli o‘yin namoyish etilishi kutilgandi, ammo birinchi bo‘limda Gregorichning penaltidan yo‘llagan zarbasi to‘singa tegdi, Boltiq bo‘yi jamoasi esa standart vaziyatdan maksimum natija chiqardi. Mehmonlar havodagi kurashlarda ustun kelishdi va yakunda to‘pga ega chiqqan jamoa to‘purari Sappinen Lindner darvozasini o‘qqa tutdi.

Ikkinchi bo‘limda esa agar estonlar darvozaboni xatoga yo‘l qo‘ymaganida Avstriya vaziyatni o‘nglashi dargumon edi. Xeyn esa u qadar kuchli bo‘lmagan zarbani ushlab ololmadi, qaytgan to‘p esa Kaynsga kelib tushdi. Shundan keyin mezbonlar o‘yin oxiriga borib raqibni taslim etishdi.

Gregorich aybini yuvishida nafaqat rikoshet, balki Lins shahri sehri ham yordam berdi. Bu yerda avstriyaliklar turnir o‘yinlarini ko‘p o‘tkazishmagan (jami 4 o‘yin), ammo barchasida g‘alaba qozonishgan.

Shvetsiya — Ozarboyjon 5:0
Gollar: Forsberg (38), Mustafozoda (65, avtogol), Dokeresh (79), Karlson (88), Elanga (89).
Shvetsiya – Olsen, Valkvist, Lindelyof, Ekdal (Xin, 46), Gudmundsson, Kulusevski (Karlsson, 82), Forsberg (Karlstrem, 71), Gustafsson, Svanberg, Dokeresh (Elanga, 87), Isak (Klasson, 71).
Ozarboyjon – Balayev, Xagverdi (Guseynov, 73), Mustafozoda, Krivotsyuk, Jafarguliyev (Aleskerov, 73), Mahmudov, Rishard, Isayev (Gurbanly, 82), Bayramov, Sheydayev, Dadashov.

Belgiyaliklarga qarshi o‘yinda ilojsiz holatda ko‘ringan Shvetsiya muxlislari qarshisida o‘zini to‘la oqladi. Skandinavlar qandaydir alohida qahramonlik ko‘rsatishdi deyish qiyin, lekin qayd etish kerakki, ular raqibning xatolaridan maksimum natija chiqarishdi. Hisobni ochgan Forsberg markazdan osonlik bilan jarima maydoniga kirib keldi, Isakning qanotdan uzatmasi avtogolga olib keldi, himoyachi xatosidan keyin to‘pni olib qo‘ygan Chelstrem Dokereshni qulay vaziyatga chiqardi. O‘yinning bezagi esa AZ forvardi Karlsson tomonidan ijro etilgan jarima zarbasi bo‘ldi, u Niderlandiya chempionatida uzoq masofadan gol urish bo‘yicha eng yaxshilardan biri sanaladi. O‘yindagi so‘nggi gol ham himoyachilar xatosidan foydalangan Elanga tomonidan urildi, so‘nggi vaqtlarda «MYu»da o‘yin amaliyotiga ega bo‘lmayotgan bu forvard terma jamoa o‘yinida o‘zini ko‘rsatdi.

17 iyun. Belgiya — Avstriya, Ozarboyjon — Estoniya

Ye guruhi

Polsha — Albaniya 1:0
Gol: Sviderski (41). 
Polsha – Shchensni, Salamon, Bednarek, Kiver, Zalevski (Skuras, 68), Kaminski, Zelinski, Linetti (Shimanski, 78), Frankovski, Levandovski, Sviderski (Shimanski, 89).
Albaniya – Strakosha, Baliu, Kumbula, Mixay, Hyusay, Gyasula (Lyachi, 88), Ramadani, Aslani (Bayrami, 76), Asani (Mehmeti, 70), Tsikaleshi (Seferi, 75), Uzuni.

Bu guruhda o‘tkazilgan ikki turdan keyin qandaydir global xulosa chiqarish qiyin. Masalan, yorqin start qilgan Chexiya bir necha kun o‘tib Kishinyovda umuman polshaliklar mudofaasini sochib tashlagan jamoaga o‘xshamadi. Kuxtaning bu safargi goli yaqqol ofsayddan urildi va natijada jamoa guruh jadvalida ilgarilab keta olmadi.

Polshaning Fernandu Santush boshchiligidagi ilk g‘alabasi zarbadan qaytgan to‘pga zarba bergan Sviderski urgan gol evaziga ro‘y berdi. Polyaklarda yana vaziyatlar bo‘ldi, masalan Levandovskining jarima maydoniga yorib kirishi faqat himoyachi to‘pni darvoza chizig‘idan qaytarib qolgani tufayligina gol bo‘lmay qoldi. O‘z navbatida, bu oqshom Shchensni bir necha seyv amalga oshirishiga to‘g‘ri keldi, o‘yin oxirida esa Uzunining qulay nuqtadan bergan zarbasi darvoza to‘sini yonginasidan o‘tib ketdi.

Moldova — Chexiya 0:0

17 iyun. Farer orollari — Chexiya, Albaniya — Moldova.

G guruhi

Vlahovich Bolqon derbisini yutib berdi

Chernogoriya — Serbiya 0:2
Gollar: Vlahovich (78, 90+6). 

Vengriya — Bolgariya 3:0
Gollar: Vechei (7), Soboslai (26), Adam (39).

Bolqon derbisi natijasiga ko‘ra Serbiya guruhda yakkapeshqadam bo‘lib oldi, bu g‘alabani Dragan Stoykovich tomonidan amalga oshirilgan futbolchi almashtirishlar ta’minladi. Vlahovich ideal joker vazifasini o‘tadi, u avvaliga Mladenovichning qanotdan uzatmasiga oyoq qo‘yib hisobni ochdi, keyin esa qo‘shib berilgan daqiqalarda chernogoriyaliklarning umidini so‘ndiruvchi golni urdi.

Ayni vaqtda guruhda Serbiyaning asosiy raqobatchisi saralashdagi ilk o‘yinni juda kuchli o‘tkazgan Vengriya bo‘lib qoldi. O‘yinning bezagi esa Sobosloi ijrosidagi jarima zarbasi bo‘ldi.

17 iyun. Chernogoriya — Vengriya, Litva — Bolgariya.

Ko‘proq yangiliklar: