Rossiyada «KrymSOS» tashkiloti nomaqbul deb tan olindi

Jahon 16:46 / 27.03.2023 7298

Rossiyaning Ukrainaga qarshi keng ko‘lamli urushi boshlanganidan beri u «Rossiya Federatsiyasi Qurolli kuchlarini obro‘sizlantirishga qaratilgan axborot kampaniyasida faol ishtirok etdi», deb yozadi Rossiya mahkamasi Telegram’da. 

Shuningdek, «KrymSOS»ning bildirilgan maqsadlari Ukraina Qrimini deokkupatsiya va reintegratsiya qilish, shuningdek, uning Ukrainaga qaytishini ta’minlashdan iboratligi qayd etilgan

Bu maqsadlar «Rossiya Federatsiyasining hududiy yaxlitligini buzishga qaratilgan», deb hisoblaydi Rossiya Bosh prokuraturasi. 

Avvalroq Rossiya Bosh prokuraturasi Transparency International xalqaro nohukumat tashkilotining faoliyatini Rossiya hududida nomaqbul deb tan olishga qaror qilgandi. Nazorat qiluvchi organ saytida 6 mart kuni e’lon qilingan xabarda ta’kidlanganidek, «shtab-kvartirasi Berlinda joylashgan, xorijiy davlatlar fuqarolari boshchiligidagi tashkilot faoliyati... e’lon qilingan maqsad va vazifalardan yaqqol chetga chiqib ketmoqda».

«Butun dunyo bo‘ylab korrupsiyaga qarshi kurashuvchi tashkilot sifatida rasman harakat qilib, Rossiya Federatsiyasining ichki ishlariga aralashyapti, bu esa Rossiyaning konstitutsiyaviy tuzumi asoslari va xavfsizligiga tahdid soladi», deb ma’lum qildi prokuratura. Mahkama da’volarning mohiyati haqida hech qanday izoh bermagan va «nomaqbul»lar ro‘yxatiga kiritish sabablarini tushuntiruvchi boshqa ma’lumotlarni keltirmagan.

Transparency International korrupsiyaga qarshi kurashuvchi va butun dunyo bo‘ylab korrupsiya darajasini o‘rganuvchi nodavlat xalqaro tashkilotdir. U 1993 yilda Jahon bankining Sharqiy Afrika bo‘yicha sobiq direktori Piter Eygen tomonidan Berlinda tashkil etilgan. Bugungi kunga qadar Transparency International filiallari dunyoning 100 dan ortiq mamlakatlarida faoliyat yuritmoqda.

Ko‘proq yangiliklar: