“O‘zavtosanoat”ga sobiq rahbarning qaytarilishi UzAuto Motors aksiyalarini yanada arzonlashtirdi

Iqtisodiyot 13:53 / 27.03.2023 36542

UzAuto Motors IPO doirasida 0,3 foiz aksiyalar paketini fond birjasiga chiqargandi. Ochiq bozorga qo‘yilgan birinchi kunda kompaniyaning har bitta aksiya narxi 78 697 so‘mni tashkil etgan bo‘lsa, 27 mart 12:30 holatiga aksiyalar narxi 55 ming so‘mgacha yoki 30 foizdan ko‘proqqa arzonlashgan.

E’tiborli jihati, Shavkat Umrzoqovning “O‘zavtosanoat” rahbarligidan ketishi fonida kompaniya aksiyalari 63 586 so‘mgacha ko‘tarilgan. Ulug‘bek Ro‘ziqulovning “O‘zavtosanoat” rahbarligiga qaytishi e’lon qilingan kundan buyon esa kotirovkalar narxi 55 ming so‘mgacha tushib ketdi.

Avvalroq, “O‘zavtosanoat”ga 2018 yildan buyon rahbarlik qilib kelgan Shavkat Umrzoqov Toshkent shahar hokimi vazifasini bajaruvchi etib tayinlangandi. Uning o‘rniga O‘zbekistonning Indoneziyadagi elchisi sifatida ishlab kelayotgan Ulug‘bek Ro‘ziqulov tashkilot rahbarligiga qaytdi. U 2015-2017 yillarda ham “O‘zavtosanoat”ga rahbarlik qilgan.

Ko‘proq yangiliklar: