Jinoyat kodeksining 207.3-moddasida «feyklar» og‘ir oqibatlarga olib kelgan taqdirda 15 yilgacha ozodlikdan mahrum qilish jazosi nazarda tutilgan bo‘lib, unga ko‘ngillilar tuzilmalari, tashkilotlar yoki Rossiya Federatsiyasi Qurolli kuchlariga yuklatilgan vazifalarni bajarishda ko‘maklashuvchi shaxslar to‘g‘risida «feyklar»ni taqiqlash haqidagi band qo‘shildi.

Avvalroq Rossiyada «maxsus harbiy operatsiya»ni «obro‘sizlantirganlar» fuqarolikdan mahrum qilinishi xabar berilgandi.

Mustaqil Davlatlar Hamdo‘stligi (MDH) bo‘yicha Davlat dumasi qo‘mitasi tomonidan qabul qilingan «Fuqarolik to‘g‘risida»gi qonunga o‘zgartirishlar davlatga xiyonat va «maxsus harbiy operatsiya»ni «obro‘sizlantirish» uchun Rossiya fuqaroligidan mahrum qilishni nazarda tutadi. 

2022 yil 5 apreldagi qonun loyihasida fuqarolikdan mahrum qilish, shu jumladan terroristik xarakterdagi jinoyatlar, davlatga qarshi og‘ir jinoyatlar, shuningdek, giyohvandlik vositalarining noqonuniy aylanishi, hujjatlarni qalbakilashtirish sohasidagi jinoyatlar uchun yoki fuqaroning iltimosiga binoan fuqarolikdan mahrum qilish nazarda tutilgan.

O‘zgartirishlar Rossiya fuqaroligiga qabul qilinganda 20 dan ortiq toifadagi shaxslarga qo‘yiladigan talablar sonini qisqartiradi, shuningdek, Rossiya pasportini olishning soddalashtirilgan tartibiga ega bo‘lgan shaxslar toifasini aniqlash bo‘yicha prezidentning vakolatlarini kengaytiradi.