«Mahalla iftixori» ko‘krak nishoni Mahalla tizimi xodimlari kuni arafasida topshiriladi

O‘zbekiston 11:08 / 18.03.2023 4289

Hujjatda ta’kidlanganidek, so‘nggi yillarda mahallaning jamiyat ijtimoiy-iqtisodiy hayotidagi aloqadorligini yanada kuchaytirish, xususan bandlikni ta’minlash, tadbirkorlikni qo‘llab-quvvatlash, ijtimoiy himoyaga muhtoj aholi qatlamlariga yordam ko‘rsatish borasida keng ko‘lamli ishlar amalga oshirilmoqda.

Mahalla raisi, profilaktika inspektori, hokim yordamchisi, yoshlar yetakchisi va xotin-qizlar faoli beshligining o‘zaro muvofiqlashtirilgan faoliyati yo‘lga qo‘yilib, joylardagi muammolarni mahallaning o‘zida aniqlab, ularni kompleks yondashuv asosida hal etish amaliyoti joriy etildi.  

Davlat rahbarining mazkur qarorida ushbu vazifalarni yanada jadallashtirish va mahalla xodimlarini rag‘batlantirish tizimini yanada takomillashtirish orqali  ularning faoliyati samaradorligini oshirish nazarda tutilgan.

Qaror bilan  O‘zbekiston Prezidentining 2017 yil 13 iyuldagi «Mahalla iftixori» ko‘krak nishonini ta’sis etish  to‘g‘risida»gi qaroriga ilovaga muvofiq o‘zgartirishlar kiritildi. Unga ko‘ra, «Mahalla iftixori» ko‘krak nishonini topshirish vaqti 1 sentabr - Mustaqillik kuni arafasidan 22 mart - Mahalla tizimi xodimlari kuni arafasiga ko‘chirildi.

Ko‘krak nishonini munosib nomzodlarga topshirish vazifasi Kambag‘allikni qisqartirish va bandlik vazirligi zimmasiga yuklandi.

Ko‘proq yangiliklar: