«Маҳалла ифтихори» кўкрак нишони Маҳалла тизими ходимлари куни арафасида топширилади

Ўзбекистон 11:08 / 18.03.2023 3998

Ҳужжатда таъкидланганидек, сўнгги йилларда маҳалланинг жамият ижтимоий-иқтисодий ҳаётидаги алоқадорлигини янада кучайтириш, хусусан бандликни таъминлаш, тадбиркорликни қўллаб-қувватлаш, ижтимоий ҳимояга муҳтож аҳоли қатламларига ёрдам кўрсатиш борасида кенг кўламли ишлар амалга оширилмоқда.

Маҳалла раиси, профилактика инспектори, ҳоким ёрдамчиси, ёшлар етакчиси ва хотин-қизлар фаоли бешлигининг ўзаро мувофиқлаштирилган фаолияти йўлга қўйилиб, жойлардаги муаммоларни маҳалланинг ўзида аниқлаб, уларни комплекс ёндашув асосида ҳал этиш амалиёти жорий этилди.  

Давлат раҳбарининг мазкур қарорида ушбу вазифаларни янада жадаллаштириш ва маҳалла ходимларини рағбатлантириш тизимини янада такомиллаштириш орқали  уларнинг фаолияти самарадорлигини ошириш назарда тутилган.

Қарор билан  Ўзбекистон Президентининг 2017 йил 13 июлдаги «Маҳалла ифтихори» кўкрак нишонини таъсис этиш  тўғрисида»ги қарорига иловага мувофиқ ўзгартиришлар киритилди. Унга кўра, «Маҳалла ифтихори» кўкрак нишонини топшириш вақти 1 сентябрь - Мустақиллик куни арафасидан 22 март - Маҳалла тизими ходимлари куни арафасига кўчирилди.

Кўкрак нишонини муносиб номзодларга топшириш вазифаси Камбағалликни қисқартириш ва бандлик вазирлиги зиммасига юкланди.

Кўпроқ янгиликлар