O‘zbekiston milliy jamoasi Venesuela va Boliviya bilan o‘rtoqlik uchrashuvi o‘tkazadi

Sport 15:37 / 28.02.2023 17956

Futbol bo‘yicha O‘zbekiston milliy jamoasining mart oyidagi FIFA kunlarida sparring raqiblari ma’lum bo‘ldi.

O‘FA rasmiy sayti xabariga ko‘ra, Srechko Katanets murabbiyligidagi O‘zbekiston milliy jamoasi mart oyida Saudiya Arabistonida o‘quv-mashg‘ulot yig‘inini o‘tkazadi. Vakillarimiz yig‘in doirasida Boliviya va Venesuela milliy jamoalariga qarshi o‘rtoqlik uchrashuvlarida maydonga tushadilar.

Janubiy Amerika qit’asi vakillariga qarshi bahslar 24 va 28 mart kunlari o‘tkazilishi rejalashtirilgan.

24 mart (juma) 
O‘zbekiston – Boliviya

28 mart (seshanba)
O‘zbekiston – Venesuela.

Eslatib o‘tamiz, JCh-2022 Janubiy Amerika saralash bosqichida Boliviya 9-o‘rinni, Venesuela esa so‘nggi 10-o‘rinni egallagandi. O‘zbekiston esa saralash bosqichini 2-raunddayoq yakunlagan edi.

Ko‘proq yangiliklar: