Футбол бўйича Ўзбекистон миллий жамоасининг март ойидаги ФИФА кунларида спарринг рақиблари маълум бўлди.
ЎФА расмий сайти хабарига кўра, Сречко Катанец мураббийлигидаги Ўзбекистон миллий жамоаси март ойида Саудия Арабистонида ўқув-машғулот йиғинини ўтказади. Вакилларимиз йиғин доирасида Боливия ва Венесуэла миллий жамоаларига қарши ўртоқлик учрашувларида майдонга тушадилар.
Жанубий Америка қитъаси вакилларига қарши баҳслар 24 ва 28 март кунлари ўтказилиши режалаштирилган.
24 март (жума)
Ўзбекистон – Боливия
28 март (сешанба)
Ўзбекистон – Венесуэла.
Эслатиб ўтамиз, ЖЧ-2022 Жанубий Америка саралаш босқичида Боливия 9-ўринни, Венесуэла эса сўнгги 10-ўринни эгаллаганди. Ўзбекистон эса саралаш босқичини 2-раунддаёқ якунлаган эди.
