Ўзбекистон таэквондо (WT) ассоциацияси тизимида Ўзбекистон таэквондо академияси ҳамда 2023-2024 йиллари ҳудудларда 14 та ихтисослаштирилган таэквондо марказлари ташкил этилади.

Ўзбекистон таэквондо академиясининг асосий вазифаларига  таэквондо (WT) бўйича миллий терма жамоалар (катталар, ёшлар, ўсмирлар, шунингдек, спорт фахрийлари) аъзоларининг жисмоний ривожланиши, жисмоний тайёргарлиги, функционал ҳолати, техник-тактик ва психологик тайёргарлигини ўрганиш киради. 

Таэквондо (WT) бўйича миллий терма жамоаларни халқаро мусобақаларга тайёрлашда уларга амалий ва илмий-методик жиҳатдан кўмаклашиш, таэквондо (WT) бўйича илғор тажрибаларни ўрганиш ва мамлакатимизда жорий этиш бўйича тавсиялар ишлаб чиқиш, хорижий мамлакатларнинг етакчи муассасалари билан халқаро алоқаларни ривожлантиришга ҳам Академия кўмаклашади.

Ихтисослаштирилган таэквондо марказлари эса ҳудудий терма жамоалар аъзоларининг республика ва халқаро мусобақаларда иштирок этиши учун зарур бўлган маҳорат ва кўникмалар чуқур ривожлантирилишини таъминлаш, спортчилар захирасини тайёрлаш учун зарур ташкилий, ўқув-методик, психологик-педагогик, тиббий-биологик ва моддий-техник шарт-шароитлар яратиб беради.

Ўзбекистон таэквондо академияси 2023 йил 1 сентябрдан бошлаб ўз фаолиятини бошлайди.