Jahon shaxmat toji uchun bahs aprelda o‘tkaziladi 

Sport 23:19 / 09.01.2023 25256

Xalqaro shaxmat federatsiyasi (FIDE) xabariga ko‘ra, 2023 yil 7-30 aprel kunlari jahon chempioni unvoni uchun o‘yin o‘tkaziladi. 

Unda rossiyalik Yan Nepomnyashchiy va xitoylik Din Lijen bahslashadi. 

O‘yin o‘tkaziladigan joy hozircha aniqlanmagan. 

O‘tgan yilning iyul oyida Nepomnyashchiy nomzodlar turnirida g‘olib chiqdi va jahon toji uchun bahsda kurashish huquqini qo‘lga kiritgan edi. Uning raqibi amaldagi chempion norvegiyalik Magnus Karlsen bo‘lishi kerak edi, ammo u navbatdagi chempionlik himoyasida qatnashmaslikka qaror qildi. Natijada, uning o‘rnini nomzodlar turnirida ikkinchi bo‘lgan Lijen egalladi. 

Karlsen 16-jahon chempioni hisoblanadi. U tojni 2013 yilda qo‘lda kiritgan. Shundan keyin u Vishi Anand (Hindiston), Sergey Karyakin (Rossiya), Fabiano Karuana (AQSh) va Yan Nepomnyashchiyga (Rossiya) qarshi bahslarda chempionlikni himoya qilishga muvaffaq bo‘lgan.  

Ko‘proq yangiliklar: