Ўзбекистонда немис стандартлари асосида кадрлар малакасини ошириш марказлари ташкил этилади

Ўзбекистон 09:55 / 02.12.2022 1508

Учрашувда икки давлат ўртасида имзоланган келишувларни амалга ошириш бўйича амалий чора-тадбирлар, Германия-Ўзбекистон Ишбилармонлар кенгаши 6-йиғилиши якунлари юзасидан қабул қилинган «Йўл харитаси» муҳокама қилинди.

Савдо-иқтисодий ҳамкорликни кенгайтириш, Германия бозорига кенг турдаги сифатли ва рақобатбардош Ўзбекистон маҳсулотларини етказиб беришни ташкил этиш, Германия етакчи компанияларини жалб этган ҳолда қўшма сармоявий лойиҳаларни амалга ошириш зарурлиги таъкидланди.

Ўзбекистонда немис таълим услублари ва стандартларидан фойдаланган ҳолда кадрлар малакасини ошириш марказларини ташкил этиш бўйича қўшма лойиҳаларни амалга ошириш масалалари муҳокама қилинди.

Германия томони ишбилармон доиралар вакиллари ўзаро сафарлари юқори самарадорлиги хусусида тўхталар экан, ўзаро ҳамкорликни йўлга қўйиш мақсадида 2023 йили Германия етакчи компаниялари иштирокида Ўзбекистонда бизнес-форуми ташкил этишни таклиф қилди.

Кўпроқ янгиликлар