JCh-2022. Kazemironing goli Braziliyani 1/8 finalga olib chiqdi

JCh-2022 G guruhi 2-turi doirasidagi Braziliya va Shveytsariya o‘rtasidagi o‘yindan keyin yana bir jamoa nimchorakfinal yo‘llanmasini qo‘lga kiritdi.

Foto: Getty Images

«Stadium 974»da o‘tgan uchrashuvda Braziliya qiyin va muhim g‘alabaga erishdi. Ikkinchi bo‘limda Risharlison to‘pni Kazemiroga olib bergan, u esa Vinisiusni yakkama-yakka vaziyatga chiqargach, hisob ochildi. Ammo VAR vaziyatni takror ko‘rgach, Risharlison o‘yindan tashqari holatda ekani ma’lum bo‘lib, gol bekor qilindi.

Shunga qaramay, 83-daqiqada Kazemiro kuchli va aniq zarbasi bilan hisobni ochib, yakunda jamoasiga muhim g‘alaba va 1/8 final yo‘llanmasini taqdim etdi.

Tite shogirdlari 2 o‘yindan keyin 6 ochko jamg‘arib, 1-o‘rinda borayotgan bo‘lsa, Shveytsariya 3 ochko bilan 2-o‘rinda qoldi. Kamerun va Serbiyada bir ochkodan mavjud. Braziliya so‘nggi turda Kamerun, Shveytsariya esa Serbiyaga qarshi maydonga tushadi.

JCh-2022. G guruhi. 2-tur
Braziliya – Shveytsariya 1:0
Gol: 1:0 – 83 Kazemiro.
Braziliya – Alisson, Militao, Tiago Silva, Markinos, Aleks Sandro (Telles, 86), Kazemiro, Fred (Bruno Gimaraes, 58), Lukas Paketa (Rodrigo, 46), Risharlison (Gabriel Jyezus, 73), Rafinya (Antoni, 73), Vinisius Junior.
Shveytsariya – Zommer, Vidmer (Fray, 86), Elvedi, Akandji, Rodriges, Jaka, Froyler, Sou (Ebisher, 76), Vargas (Fernandesh, 59), Rider (Shteffen, 59), Embolo (Seferovich, 76).
Ogohlantirishlar: Rider (50), Fred (52).

#Braziliya milliy jamoasi #Shveytsariya milliy jamoasi