Superprotsessor quvvati 433 kvant bit yoki kubitni tashkil qiladi. Qubit - kvant kompyuterlaridagi eng kichik axborot birligidir. Bunday kompyuterlar 0 yoki 1 qiymatiga ega bo‘lgan oddiy bitlar bilan emas, balki bir vaqtning o‘zida 0 va 1 qiymatiga ega bo‘lgan kubitlar bilan ishlaydi. An’anaviy bitli kompyuterlardan farqli o‘laroq, kvant kompyuterlari bir vaqtning o‘zida istalgan ma’lumotlarni million marta tezroq qayta ishlashga qodir.

IBM korporatsiyasining yangi protsessorli kvant kompyuteri oldingisidan uch barobar katta quvvatga ega. Umuman olganda, kompaniya butun dunyo bo‘ylab yigirmadan ortiq kvant kompyuterlariga ega.

IBM vakili Dario Gil so‘zlariga ko‘ra, kompaniya 1000 kubitdan ortiq quvvatga ega protsessorni yaratish va ishga tushirish ustida ishlamoqda.

Osprey kvant protsessori narxi ma’lum qilinmadi. Avvalroq, Kanadaning D-Wave kompaniyasi narxi 15 million dollarlik kvant kompyuterini ishlab chiqarganini e’lon qilgan edi.