«Islohot qilgan davlatlar inqirozga chidamliroq ekanliklarini isbotladi» – Anna Berde

Iqtisodiyot 22:35 / 09.11.2022 41753

Sharlotta Kan: Assalomu alaykum, Samarqandda bo‘lib o‘tayotgan II O‘zbekiston iqtisodiy forumiga xush kelibsiz. Bu yerda Jahon bankining Yevropa va Markaziy Osiyo bo‘yicha vitse-prezidenti Anna Berde ham ishtirok etayotganidan xursandman. Bizga qo‘shilganingiz uchun rahmat.

Anna Berde: Taklif qilganingiz uchun rahmat.

Sharlotta Kan: Xo‘sh, birinchi navbatda, mintaqa haqida qanday fikrdasiz?

Anna Berde: Savolingiz uchun rahmat. Darhaqiqat, bir necha hafta oldin mintaqa bo‘yicha iqtisodiy hisobotimizni e’lon qildik. Bu aprel oyida e’lon qilingan oxirgi hisobotimizdagi kutilmalarimizdan ham yaxshiroq tasvirlarni ko‘rsatmoqda. Mintaqa inqirozdan keyin yana bir inqirozni qanday yengib o‘tgani juda ajoyib.

Ayni paytda ham biz mintaqada salbiy o‘sish sur’atlari bo‘lishini kutmoqdamiz, ammo aprel oyidagi kutilmalarimizdan ancha past darajada. Bunga turtki bo‘layotgan narsa esa, mintaqadagi bir qancha mamlakatlarning xomashyo narxining oshishidan foyda ko‘rayotgani va energiya eksportchisi ekanligidir.

Albatta, ba’zi boshqa davlatlar energiya importchilari bo‘lib, ular qiyinchiliklarga duch kelishmoqda. Ammo, umuman olganda, mintaqadan kuchli eksportni ko‘rib turibmiz. Tovar narxining oshishi yordam bermoqda.

Biroq, shuni ta’kidlamoqchimanki, bu ayniqsa O‘zbekiston uchun mos keladi, islohot qilgan davlatlar inqirozga nisbatan chidamliroq ekanliklarini isbotladi.

O‘zbekistonda o‘sish sur’atlari nafaqat Markaziy Osiyoda, balki Yevropa va Markaziy Osiyo mintaqasi mamlakatlari orasida ham eng yuqori ko‘rsatkichga ega ekanligini ko‘rib turibmiz.

Jahon banki vitse-prezidenti Anna Berde

Sharlotta Kan: O‘zbekistonda amalga oshirilayotgan islohotlar sur’ati sizni qoniqtirdimi?

Anna Berde: Buni avval ham aytib o‘tgan edim, menimcha, bu mamlakatda so‘nggi bir necha yil ichida amalga oshirilgan islohotlar ko‘lami, qisqa muddatda boshqa davlatlarda qilingan islohotlardan sezilarli miqdorda oshib ketadi. Demak, O‘zbekiston qisqa vaqt ichida ko‘plab islohotlarni amalga oshirishi bilan ajralib turadi.

Aytib o‘tganimdek, bu islohotlardan kelib chiqadigan mustahkamlik juda va juda muhim. Hali boradigan yo‘llarimiz bor. Hukumat bilan hamkorlikni davom ettirish va bu islohotlarda, ayniqsa, inson rivojlanishi, sog‘liqni saqlash, ta’lim, ijtimoiy himoya, shuningdek, aholining turmush sharoiti hamda ijtimoiy ta’minotni yaxshilashga alohida e’tibor qaratgan holda xususiy sektor rolini kuchaytirish bo‘yicha ish olib borishni juda xohlaymiz.

Bular bizning yangi mamlakat bilan hamkorligimiz doirasidagi asosiy uchta yo‘nalishdir. Nafaqat bu, Sharlotta, o‘zaro faoliyat yo‘nalishlari kesishgan barcha nuqtalar.

Biz gender tengsizligini kamaytirish va amalda yo‘q qilish uchun mamlakat fuqarolari bilan ko‘proq shug‘ullanishga e’tibor qaratmoqchimiz.

Sharlotta Kan: Oxirgisi, mamlakatda II iqtisodiy forum o‘tkazilar ekan, mintaqa bo‘ylab ochiq muloqot uchun ushbu platformaning ahamiyati haqida qanday fikrdasiz?

Anna Berde: O‘zbekiston hukumatini ikkinchi forum o‘tkazgani uchun chin dildan maqtayman. Bu juda ko‘p odamlarning e’tiborini tortdi. Ochiq plenumlar ham, yon tadbirlar ham, yo‘laklarda bo‘lib o‘tadigan suhbatlar ham, bularning hammasi juda ajoyib. Nega? Chunki biz yangi g‘oyalar va konsepsiyalarni joriy etish bo‘yicha tajriba almashmoqdamiz. Bu kelajakdagi muhim bo‘lgan narsalar haqida ma’lumot berishning eng yaxshi usuli.

O‘zbekiston esa o‘z hikoyasini ayta oladi, shu bilan teng darajada boshqalardan ham o‘rganishi mumkin. Jahon banki sifatida yig‘ilish va fikr almashish daqiqalarini yaxshi ko‘ramiz, chunki bu bizga global institut sifatida mamlakatlarni o‘zaro bog‘lash, bir-biridan o‘rganish va ularga ko‘proq javob beradigan tashkilot bo‘lishimizga yordam beradi.

Sharlotta Kan: Katta rahmat.

Anna Berde: Rahmat.

Ko‘proq yangiliklar: