Bosh prokuratura huzuridagi Iqtisodiy jinoyatlarga qarshi kurashish departamentining xabar berishicha, ATB “Turonbank” Navoiy filialining murojaatiga asosan departamentning viloyat boshqarmasi tomonidan tergovga qadar tekshiruv o‘tkazilgan. Tekshiruv jarayonida bankning Navbahor bank xizmatlari ofisi mas’ul xodimlari bankomatga kirim qilish uchun ajratilgan 336 mln so‘mni o‘zlashtirish yo‘li bilan talon-toroj qilganliklari aniqlangan. Shuningdek, ular ushbu bankomatdan 98,8 mln so‘mni yechib olib, o‘z ehtiyojlari uchun ishlatib yuborgan.

Ta’kidlanishicha, holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.