Uchrashuvda O‘zbekiston milliy jamoasi Yaponiyaga qarshi saf tortdi. O‘yinda hisob 16-daqiqada Ilhomjon Hamroyev tomonidan ochilgan bo‘lsa-da, Oliveyra 23-daqiqada hisobni tenglashtirdi – 1:1.

Ikkinchi bo‘limda esa yaponlar kambek ko‘rsatib, Kanazavaning goli evaziga g‘alabani ilib ketishdi – 2:1.

Shu tariqa, Bahodir Ahmedov shogirdlari Yaponiyadan mag‘lubiyatga uchrab, final yo‘llanmasini boy berishdi.

Natijada, O‘zbekiston 8 oktabr kuni 3-o‘rin uchun bahsda parketga tushadigan bo‘ldi. Raqib jamoa nomi ikkinchi yarimfinal bahsi – Eron – Tailand uchrashuvidan so‘ng ma’lum bo‘ladi.

Futzal. Osiyo Kubogi-2022
Yarimfinal. 6 oktabr
O‘zbekiston – Yaponiya – 1:2
Hakamlar: Husayn Ali Albahhar (Bahrayn), Helday Idang (Malayziya), Truong Quok Dung (Vetnam)
Gollar: Ilhomjon Hamroyev 16 - Oliveyra 23, Kanazava 30.
O‘zbekiston (beshlik): 12.Ravshan Eliboyev, 4.Ixtiyor Ropiyev, 6.Ilhomjon Hamroyev, 8.Husniddin Nishonov, 10.Davron Choriyev.
Zaxira: 1.Rustam Umarov, 2.Anasxon Rahmatov, 3.Mashrab Odilov, 5.Sunnat Jo‘rayev, 7.Dilshod Rahmatov, 9.Elbek To‘lqinov, 11.Akbar Usmonov, 13.Shahram Faxriddinov, 14.Davlat Ibragimov.
Yaponiya (beshlik): 1.Xigor Peres, 3.Soma Mizutani, 5.Artur Oliveyra, 6.Tomoki Yoshikava, 9.Neto Antonio Xirata.
Zaxira: 2.Gilermo Kuromoto, 4.Ishida Kentaro, 7.Sora Kanazava, 8.Atsuya Uyemura, 10.Krepaldi Vinisius, 11.Kazuya Shimitsu, 12.Kokora Xarada, 13.Takumi Nagasaka, 14.Shunta Uchimura.