Долларнинг расмий курси уч ой ичида илк бор 11 минг сўмдан ошди

Иқтисодиёт 20:21 / 22.09.2022 9887

Марказий банк 23 сентябрдан хорижий валюталарнинг сўмга нисбатан расмий курсини эълон қилди.

1 АҚШ доллари 30,32 сўмга қимматлаб, 11 010,33 сўм этиб белгиланди. Бу 13 июндан буён максимум, уч ой олдин Америка валютаси 11005,03 сўм бўлганди.

22 сентябр куни тижорат банкларида доллар 11035 сўмлик курсда сотилган, сотиб олиш курси 10925 сўмдан 11020 сўмгачани ташкил этган.

Gazeta.uz маълумотига кўра, пайшанба куни Тошкент валюта биржасида савдолар ҳажми 187 млн долларни ташкил этган. Бу 25 июлдан (256 млн доллар) буён максимум кўрсаткичдир.

Шунингдек, евро 52,47 сўмга арзонлади ва 10 851,78 сўмга тенг бўлди, рубл 2,47 сўмга кўтарилиб, 183,58 сўмни ташкил этмоқда.

21 сентябр куни долларнинг расмий курси 29,55 сўмга қимматлаб, 10 980,01 сўм этиб белгиланган эди.

Кўпроқ янгиликлар