“Konya shahrida (Turkiya) bo‘lib o‘tgan V Islom birdamligi o‘yinlarida g‘olib va sovrindor bo‘lgan sportchilar hamda ular trenerlarini bir martalik pul mukofotlari bilan rag‘batlantirish to‘g‘risida“gi prezident qarori qabul qilindi.
V Islom birdamligi o‘yinlarida g‘olib va sovrindor bo‘lgan sportchilar:
- oltin medal uchun – 5 ming dollar;
- kumush medal uchun – 3 ming dollar;
- bronza medal uchun – 2 ming dollar;
Sportchilarni tayyorlagan trenerlar:
- oltin medal uchun – 2,5 ming dollar;
- kumush medal uchun – 1,5 ming dollar;
- bronza medal uchun – 1 ming dollar miqdorida har bir medal uchun bir martalik mablag‘lar bilan mukofotlanadi.
Ma’lumot uchun, Islom birdamligi o‘yinlarida O‘zbekiston 158 ta medal bilan umumjamoa hisobida 2-o‘rinni egalladi.