Россияда содир бўлган ЙТҲда Ўзбекистон фуқароси ҳалок бўлди

Ўзбекистон 07:47 / 15.08.2022 3253

78.ru нашрининг ёзишича, 12 август, жума куни Мурино шаҳрида 49 ёшли Ўзбекистон фуқароси Nissan автомобили томонидан уриб кетилган. У олган жароҳатлари оқибатида ҳаётдан кўз юмди.

Ҳодиса Мурино шаҳридаги Екатерининская кўчасида, “Гринландия” турар жой мажмуаси яқинида содир бўлган. Қайд этилишича, ўзбекистонлик йўлни пиёдалар ўтиш зонасидан ташқарида кесиб ўтган. Nissan ҳайдовчиси эркакни уриб юборгач, воқеа жойидан қочиб кетган. 

Жабрланувчи олган жароҳатлари оқибатида вафот этган. Ҳодисада айбдор бўлган шахс қўлга олиниб, изоляторга жойлаштирилди. 

Ҳолат юзасидан “Йўл ҳаракати ва транспорт воситаларидан фойдаланиш қоидаларини бузиш” моддаси билан жиноят иши қўзғатилди. Маълум бўлишича, қўлга олинган шахс бир йил давомида тўрт марта йўл ҳаракати қоидаларини бузгани учун жавобгарликка тортилган. 

Кўпроқ янгиликлар