Ҳайдовчиликка номзодларни тиббий кўрикдан ўтказиш тартибига ўзгартириш киритилади

Ўзбекистон 08:07 / 15.08.2022 2982

Ҳужжат лойиҳасига кўра, ҳайдовчи ва ҳайдовчиликка номзодларни транспорт воситаларини бошқаришга яроқлилигини текшириш учун тиббий кўрикдан ўтказиш бўйича давлат даволаш-профилактика муассасаларига берилган эксклюзив ҳуқуқларни бекор қилиш ҳамда 2021 йил 1 январдан бошлаб давлат органлари, хўжалик бирлашмалари, маҳаллий ижро этувчи ҳокимият органлари ва давлат ташкилотлари томонидан аҳолидан, тадбиркорлик субъектларидан қатор ҳужжатларни талаб қилиш бекор қилинган.

Улар орасида тадбиркорлик субъекти давлат рўйхатидан ўтказилгани тўғрисида маълумот, лицензия, рухсат этиш хусусиятига эга ҳужжат ва хабарнома қабул қилингани тўғрисида тасдиқнома, давлат божи, йиғимлар ва бошқа тўловлар тўлангани, қимматли қоғозларга эгалиги, кам таъминланган оила сифатида рўйхатга олингани, алиментлар тўлангани ва олингани, олий маълумот тўғрисидаги диплом, жисмоний шахс томонидан ўрта махсус, профессионал таълим муассасаси тугатилгани, жисмоний шахс томонидан умумий ўрта таълим муассасаси тугатилгани, фуқаро «Ёшлар дафтари» ёки «Аёллар дафтари»да мавжудлиги, ўзини ўзи банд қилган шахслар тўғрисида маълумот, ОТМга ўқишга кириш учун имтиёзга эга бўлган абитуриентлар имтиёз ҳуқуқини тасдиқловчи ҳужжат кабилар бор.

Қарор лойиҳаси билан ушбу ҳуқуқлар хусусий тиббий ташкилотларга ҳам берилмоқда.

2021 йил 1 июндан бошлаб давлат органлари, хўжалик бирлашмалари, маҳаллий ижро этувчи ҳокимият органлари, давлат ташкилотлари ва муассасалари томонидан аҳолидан, тадбиркорлик субъектларидан руҳий касалликлар бўйича диспансер ҳисобида туриши ёки турмаслиги ва наркология бўйича диспансер ҳисобида туриши ёки турмаслиги бўйича ҳужжат талаб қилиш бекор қилинган.

Вазирликлар, давлат қўмиталари ва идоралар томонидан қабул қилинган норматив-ҳуқуқий ҳужжатларни ҳуқуқий экспертизадан ва давлат рўйхатидан ўтказиш тўғрисидаги низомга асосан қонун ҳужжатлари ўзгарган тақдирда вазирликлар ва идоралар давлат рўйхатидан ўтказилган ўз норматив ҳужжатларини қонун ҳужжатларига мувофиқлаштириши ҳамда ҳуқуқий экспертизадан ва давлат рўйхатидан ўтказиш учун тегишли ўзгартириш ва қўшимчаларни Адлия вазирлигига тақдим этилиши лозимлиги кўрсатилган.

Кўпроқ янгиликлар