Ўзбекистонликлар учун Кореяга боришда виза режими бекор бўлиши ҳақидаги хабарлар рад этилди

Жамият 10:02 / 14.08.2022 7674

Бандлик ва меҳнат муносабатлари вазирлиги ижтимоий тармоқларда тарқалган, ўзбекистонликлар учун Кореяга боришда виза режими бекор бўлиши ҳақидаги хабарларга муносабат билдирди.

Таъкидланишича, айрим Telegram каналларда шу мазмундаги хабарлар пайдо бўлмоқда. Бандлик ва меҳнат муносабатлари вазирлиги блогер ва интернет фаолларидан бундай асоссиз хабарларни тарқатмасликни сўраб, вазирлик логотиплари туширилган расмлардан фойдаланмасликни маслаҳат берди.

Аввалроқ Давлат статистика қўмитаси 2022 йилнинг 1 июль ҳолатига 2,1 миллион Ўзбекистон фуқароси туристик мақсадларда хорижга сафар қилганини билдирганди. Шулардан 6 минг нафари Жанубий Кореяга саёҳат қилган.

Кўпроқ янгиликлар