Қашқадарёда 22 ёшли йигитни дўппослаб ўлдиришди

Жамият 14:09 / 13.08.2022 14409

Қашқадарё вилояти ИИБ ахборот хизматининг хабар беришича, 2022 йил 12 август куни соат 1:30 ларда Чироқчи тумани “Галабек” МФЙда яшовчи Ҳ.О. қўшни қишлоққа борганида фуқаролар А.М. ва Қ.М. билан жанжаллашиб қолган. Жанжал давомида фуқаролар А.М. ва Қ.М. 22 ёшли Ҳ.О. ни уриб, унга оғир тан жароҳатлари етказган.

Оқибатда, жабрланувчи Ҳ.О. Чироқчи тумани тиббиёт бирлашмасига қарашли шифохонасига ётқизилган. Шифокорлар томонидан кўрсатилган тиббий муолажаларга қарамай йигит олган тан жароҳатлари сабабли вафот этган.

Қайд этилишича, ҳолат юзасидан 2022 йил 12 август куни Чироқчи туман ИИБ ҳузуридаги тергов бўлими томонидан жиноят иши қўзғатилган. Фуқаролар А.М. ва Қ.М.га нисбатан Жиноят кодексининг 104-моддаси 3-қисми “д” банди билан айблов эълон қилиниб, улар Жиноят просесуал кодексининг 221-моддаси тартибида ушланган.

Аввалроқ, 23 ёшли йигитнинг жасади Қарши магистрал каналидан топилган. Марҳумнинг яқинлари йигит бир гуруҳ шахслар томонидан дўппосланиб, каналга ташлаб юборилганини айтганди.

Кўпроқ янгиликлар