Янги очилган FOOD CITY мажмуасида 28 августга қадар 50%гача чегирмалар билан харид қилинг

Жамият 13:00 / 06.08.2022 8426

2021 йил декабр ойида Тошкент шаҳри Бектемир туманида жойлашган янги Қўйлиқ деҳқон бозори, яъни Food city'нинг тақдимоти ўтказилганди. Ва ниҳоят, замон талабларига жавоб берадиган савдо маркази ўз фаолиятини бошлади. Эндиликда мазкур йирик агрокластердан деярли барча турдаги маҳсулотларни улгуржи ва чакана савдоларда, ҳамёнбоп нархларда сотиб олиш мумкин.

30 июл куни бўлиб ўтган очилиш маросимида юртдошларимиз савдо мажмуасининг шароитлари, нарх-навоси билан батафсил танишишди.

Концерт шаклида ўтган очилиш маросимида, дастлаб, озиқ-овқат маҳсулотлари билан тўлдирилган 5 та “Олтин аравача” ютуқли ўйини ўтказилди.

Ўйинда ғолиб бўлган 5 нафар юртдошимизнинг ҳар бирига мана шу маҳсулотлардан берилгач, барча меҳмонлар бирин-кетин бозор расталари томон йўл олишди. Айтиш лозим, у ерда яратилган шароит, маҳсулотлар сифати ҳамда нархлари кўпчиликка манзур келди.

Харидорлардан бирининг айтишича, иссиқ ҳавода салқин жойда бозорлик қилиш қулай. “Тозалиги, ҳамма маҳсулотлари тартиб билан жойлаштирилгани жуда ёқди”, – дейди у.

“Бир айланиб чиқишда анча катта бозорлик қилдик, узум, тухум олдик. Нархлари кўнглимиздагидек, ҳамма нарсаси ёқди. Бу сафар ўзимиз келдик, кейингисида фарзандларимизни юборамиз”, – дея қайд этади яна бир юртдошимиз.

Food city мажмуаси халқимиз дастурхонига сифатли ва ҳамёнбоп маҳсулотлар етказиб бериш мақсадида махсус савдо шохобчалари ташкил қилган. Бу шохобчаларда озиқ-овқат маҳсулотларини белгиланган тартибда арзон нархларда сотиб олиш мумкин. Маҳсулот нархининг бир қисми эса уни сотувчи тадбиркорларга мажмуа томонидан қоплаб берилади.

Масалан биргина ёғ 20 минг сўм бўлса, унинг 5 минг сўми Food city томонидан тадбиркорга тўлаб берилади. Харидорларга бу маҳсулот 15 минг сўмдан сотилмоқда. Шунингдек, мажмуада ҳар куни:

Картошка (гала навли) 1 кг – 3000 сўм;

Пиёз 1 кг – 3500 сўм;

Сабзи 1 кг – 2500 сўм;

Ун (олий навли) 1 кг – 6500 сўм;

Гуруч 1 кг – 8000 сўмдан.

Ҳар душанба:

Помидор 1 кг – 1500 сўм;

Бодринг 1 кг – 1500 сўм.

Ҳар сешанба:

Шакар 1 кг – 12000 сўм:

Ёғ 1 литр – 17000 сўм.

Ҳар чоршанба:

Банан 1 кг – 13000 сўм:

Узум 1 кг – 4000-6000 сўм;

Шафтоли 1 кг – 7000 сўмдан бошлаб.

Ҳар пайшанба:

Тухум (дона) – 650-950 сўм;

Қаймоқ 1 литр – 33000 сўм;

Творог 1 кг – 15000 сўм;

Сметана 1 литр – 20000 сўм;

Қатиқ 1 литр – 4000 сўм.

Ҳар жума қуритилган мевалар:

Туршак 1 кг – 40000 сўмдан бошлаб;

Майиз 1 кг – 12000 сўмдан бошлаб;

Писта 1 кг – 120000 сўмдан бошлаб.

Ҳар шанба:

Гўшт 1 кг – 60000 сўм;

Товуқ гўшти 1 кг – 23000 сўм;

Колбаса (улгуржи) – 19000 сўмдан бошлаб.

Ҳар якшанба кўкат ва зираворлар:

Кашнич боғи (5 дона) – 8000-9000 сўм;

Укроп боғи (5 дона) – 5000 сўм;

Кўк пиёз 1 дона – 1200-1500 сўм;

Салат барги 1 дона – 3500-5000 сўм;

Петрушка боғи (5 дона) – 3000 сўм.

Янги мажмуада фаолият бошлаган сотувчилар ҳам бозор шароитларидан мамнунликларини айтишди. “Илгари эски Қўйлиқда ишлаганман, у ер чанг бўларди, ёғингарчиликда туриб бўлмас эди. Ёзда иссиқ, қишда совуқлигидан касал ҳам бўлиб қолардик. Мана бу шароитлар эса умуман бошқа”, – дейди тадбиркорлардан бири.

“Жойлашиб олганимизга бир ой бўлиб қолди. Овқатларимиз, ижарамиз, йўлкираларимиз бепул. Шунчалик ёрдам қилишяпти, раҳмат ҳаммаларига. Бошида бошлиқлари билан гаплашган эдик, жуда хушмуомала инсон, барчамизнинг кўнглимизга қараб иш кўрди. Ўша одамга ҳам раҳмат айтаман”, – дея ўз миннатдорлигини билдирди яна бир савдогар.

Таъкидланишича, улгуржи савдо бозори 24/7 режимида, чакана савдо эса 8:00дан 20:00гача ишлайди. Унда 16 000 м2 майдонли 5та кросс-док хизмати ҳамда умумий сиғими 8 000 тонна бўлган музлатгичли ва совутгичли омборхона ҳам бор. Бизнес маркази, 20 000 м2 ёпиқ бозор ҳамда фуд-корт харидорлар ва тадбиркорлар хизматига шай.

Энг муҳими, 60 гектар майдонга эга ушбу савдо маркази деҳқон ва тадбиркорлар учун қулай ҳудудда жойлашган.

“Шаҳарга кирмаган ҳолда водий, воҳа ва Тошкент вилоятидан келиб-кетиш жуда қулай. Транспортларнинг бемалол кириб-чиқиши учун 12 қаторли йўлаклари барпо қилинган. Бундан ташқари, 500 та юк ҳамда 4 мингдан ортиқ енгил автомобилларга мўжалланган автотураргоҳлар ҳам барпо қилинган”, – дейди Food city раҳбари Дилшод Самигов.

“Food city” МЧЖ раҳбари Дилшод Самигов

Бозорнинг 2 500 та савдо растаси ва павильонларининг ижараси 3 ойгача бепул ҳисобланади. “Унгача эса тадбиркорлардан ҳатто коммунал тўловлари ҳам ундирилмайди”, – дейди Food city раҳбари.

“Тошкент шаҳар ҳокимияти томонидан чиқарилган ставкалар бор, 3 ойдан кейин мана шу ставкалардан оширмаган ҳолда, расталар сотилаётган маҳсулотнинг турига қараб, ижарага берилган жойларнинг нархларини белгилаймиз. Чунки бизга ҳам ижарага тўловни қиммат қилиб, маҳсулотларнинг ҳам нархини ошириш, тадбиркорларни қийнаш ниятимиз йўқ. Сотувчилар савдосини қилиб олиши учун нарх-навони минимал ушлаб турамиз”, – дея қайд этади у.

Food city'ni барпо қилиш жараёни анча аввал, 2018 йилда бошланган эди. Ҳозирда Вазирлар Маҳкамасининг тегишли қарори асосида эски Қўйлиқ деҳқон бозорини мана шу савдо масканига босқичма-босқич кўчириш жараёни кетяпти. Келгусида бу мажмуани янада кенгайтириш, маҳсулотларни қайта ишлаш тизимини йўлга қўйиш ҳам мақсад қилинган.

 

Дилшода Шомирзаева тайёрлади,
Тасвирчилар: Мирвоҳид Мирраҳимов, Асад Курявов,
Монтаж устаси: Мирвоҳид Мирраҳимов

Реклама ҳуқуқи асосида

Кўпроқ янгиликлар